Үзидарә көне үзенә генә хас бер традиция белән башкарылды. Бу чарага әзерлек сентябрь урталарыннан ук башлана дип әйтсәк тә, ялгыш булмас. Балалар бөтен әзерлекне үз кулларына алып,  директор һәм укытучыларны сайлап алдылар. 10-11 класс  укучылары укытучылары яныны килеп, дәрес темаларын алдылар, планнар белән таныштылар. Һәр "яшь укытучы" үз дәресенә, методик яктан якын килеп, эш итте. Укучылар да  "укытучыларның" авызларына гына карап тордылар. Дәресләр беткәч,  "өлкән" һәм "яшь" укытучылар белән берлектә, педсовет уздырылды. Һәр укытучы үз укучысы дәресенә анализ бирде, ә укучылар, "укытучы эшеннән дә җаваплы эш юк икән!" дигән фикергә килделәр. Педсовет  укучылар тарафыннан әзерләнгән концерт  белән дәвам итте. Бу концерт номерлары  үзенчәлекле булды: укытучылар темасына карата шаян җырлар башкарылды, "Елмай" телепрограммасы  да  читтә калмады. Чыгышлар укучыларның укытучыларга тере чәчәк бүләк итүләре белән тәмамланды.Бу матур чәчәкләр укучы белән укытучы арасында тагын да якынайтыбрак җибәрде.