Мәктәптә , кадерле өлкәннәребез өчен, 29 нчы сентябрьдә, "Өлкәннәребезгә мәдхия җырлыйбыз!" дип аталган кичә уздырылды.  Лаеклы ялда булучыларны балалар елмаеп карша алдылар, ашханәгә озаттылар, ә анда аларны бик матур итеп оештырылган, балалар тарафыннан әзерләнгән концерт номерлары көтә иде. Кунаклар балалар белән бергә көлделәр дә, елмайдылар да, еладылар да. Чөнки Хәмидуллина Гөлнурның моңлы тавышы өлкәннәребез күңеленә "сеңмичә "калмагандыр, мөгаен. Балалар төрле матур биюләр башкарганда, әби-бабайларның да аяклары идәннән купмыйча калмады.  Концертның дәвамы түгәрәк өстәл артында тәмле чәй эчүләр белән дәвам ителде. Бу кичәгә нәтиҗә ясалганнан соң, олыларыбыз бөтен мәктәп коллективына рәхмәт әйтеп, өйләренә таралыштылар.