15 сентябрь – варислар көне. Безнең мәктәптә дә 5 класс укучыларын варислыкка кабул итү тантанасы бик матур оешкан формада үтеп китте. 5-8 сыйныф укучылары бу чарага  бик ныклап әзерләнделәр. Һәр класс үз отрядыының исемен, девизын әйтеп,  җырын башкарып, “Алмаш” дружинасы рәисенә  рапорт бирделәр.

   Кунак итеп, үз гомерен шушы мәктәпкә багышлаган, педагог-оештыручы булып эшләгән, хәзерге көндә дә ярдәм кулын сузучы  Герман Анатолий Вячеславович чакырылган иде. Ул барлык балаларга, булачак варисларга үзенең элекке пионерлар белән ничек эшләгәнлеге, эшнең нәтиҗәлеге турында сөйләде. Ул сөйләгәндә, һәр баланың күзеннән “очкын чәчрәде”. Герман А.В. сөйләмен тыңлаганда укытучылар да үзләренең балачакларына кайтып килделәр.

   Анатолий Вячеславович варисларның муенына галстук бәйләгәннән соң, балалар тагын бер башка үсеп киттеләр, кулларын йөрәк түрләренә куеп,  “Варисларның йөзләренә кызыллык китермәбез!” дип ант иттеләр.

   5 нче класс укучыларының чыгышлары барыбызның да күңелләрен күтәрде.

   Кичә бергәләп фотога төшүләр белән тәмамланды.