"Айга менеп, җиргә карап

Сезне күрәсе килә....." дигән матур сүзләрне алдык без бүгенге көннең девизы итеп, чөнки бүгенге көнебез "День космонавтики" дип аталган иде. Балалар үзләре дә бик күп кенә материаллар туплап килгәннәр иде: төрле-төрле рәсемнәр, китаплар, хәтта презентацияләр дә бар иде. Химия укытучыбыз Мөхәммәтҗанова Л.Ф. "Мир невесомости" чарасын да, презентацияләргә нигезләнеп үткәрде. Балалар алып  килгән эшләр дә кырыйда калмады. Балалар шул чара барышында җирдән күккә күтәрелделәр: андагы һәр планетага, һәр йолдызга сәлам биреп үттеләр. Дәрестә укыган, белгәннәрен исләренә төшерделәр. Укытучылар да, укучылар да бу чарадан бик канәгать калдылар. Көнебезнең икенче яртысы "Живой родник" дигән тема астында үтте. Бу- чишмәләр янына барып, төрле уеннар уйнау түгел, ә экологик операция булып планлаштырылган иде. Балалар чишмәләр янына барып, алар белән сөйләштеләр, "хәл- әхвәлләрен белештеләр". Ә иң зур ярдәмнәре булып-  бөтен чишмә буйларын пычраклардан чистарту булды. Тирә- якта килешсез яткан агачларны да читкә алып куйдылар. Чишмә яннарын  чистартып алгач, балаларның үзләренә дә рәхәт булып китте. Тагын шушында килергә  дип сүзләр куешып, лагерыбызга кайтып киттек.