"Неделя военно-патриотического воспитания" атнасының икенче "День памяти" көненә дә аяк атладык. Бу көнне "Честь военных велика"дип аталган чара планлаштырылды. Аны оештыручы- мәктәбебезнең ТИН укытучысы Галиев И.У. Ул балаларны ТИН кабинетына алып керде: кабинет, андагы материаллар белән таныштырды. Калашников автоматы, противогазлар һәм башка шундый әсбаплар, әлбәттә, балалар күңеленә хуш килде. Алар аны тотып та, аннан "атып" та карадылар. Укытучы балаларга "һәр нәрсәнең - үз вакыты, үз урыны" дип сөйләп, әңгәмә алып барды. Укучылар авызларын ачып, тыңлап утырдылар. Илдус абый армия сафларында хезмәт итү темасын да читтә калдырмады. Хәзерге көндә армиядә хезмәт итүче егетләрнең исемнәрен атады. Чечняда булган егетләребезгә аерым басым ясады. Укучылар коридордагы стендларны да карап, үз фикерләрен, теләкләрен белдерделәр. Бераз ял итеп алганнан соң, балаларны посадкага алып киттеләр. Аларны анда "Зарница" һәм "Орлёнок" уеннарының берничә этабы көтеп тора иде. "10, 11 нче сыйныфларга җиткәндә, балалар бу чараларга әзер булсыннар" дигән максатыбызга ирешү өчен әзерләнгән бер алым иде ул. Балалар бүгенге көннән бик канәгать калдылар.