Туган якны өйрәнүгә багышланган бу көнебез дә, гадәттәгечә, иртәнге линейка һәм зарядка белән башланып китте. Көн искиткеч матур һәм эссе иде. Иртәнге аштан соң балалар бераз отряд эшләре белән шөгыльләнделәр. Аннан соң Гарафиева М.И. җитәкчелегендә "Следопыты родного края" дигән тематик мероприятие үтте. Бу чарада балалар бик теләп катнаштылар. Икенче аштан соң шул чараның дәвамы буларак, мәктәп артындагы коры елгага экскурсиягә бардык. Балалар ерганакны күзәттеләр, яңа чишмә таптылар, ярда карлыгач оялары күреп куандылар. Төшке аштан соң "Джунглилар чакыруы" уены оештырылды. Балалар  үзләре дә бик кызыклы сораулар әзерләп килгәннәр иде.  Аеруча Гарафиева Ләйсән һәм Маннапова Язиләнең сораулары балаларда зур кызыксыну уятты. Хайваннар турында күп кызыклы мәгълүмат алдылар балалар. Бу көнебез дә бик файдалы һәм мавыктыргыч булды. Балалар бер-берсенә сәламәтлек, уңышлар теләп өйләренә таралыштылар.