Уеннарга багышланган бу көнебез дә  иртәнге зарядка һәм линейка белән башланып китте. Иртәнге аштан соң балалар "Стихи играют в прятки" дигән уенга җыелдылар. Яковлева Л.Ф. балаларга бик күп кызыклы шигырьләр, табышмаклар әзерләгән иде. Аның сорауларына җавап бирергә теләүчеләр бихисап иде. Шигырьләрне дәвам итү, ребуслар, кроссвордлар чишү балаларга бик ошады. Икенче аштан соң, күл буена экскурсиягә бардык. Табигатьне саклау турында тематик әңгәмәдә балалар бик теләп катнаштылар. Күл янында төрле хәрәкәтле уеннар уйнадылар. Экскурсиядән кайткач, "Табигатьне саклагыз!" дигән рәсем конкурсы уздырылды. Балалар рәсемнәрендә табигатькә булган мөнәсәбәтләрен чагылдырганнар, киләчәктә табигатьнең нинди булуын теләүләрен күрсәткәннәр иде. Бу рәсемнәрдән күргәзмә оештырдык. Уеннарга багышланган бу көнебез бик күңелле һәм файдалы үтте.