Инглиз телен белү бүгенге көндә бик мөһим. Шуңа күрә дә бу телне балаларга  өйрәтүне лагерьда  да дәвам итәбез. Бу көн, гадәттәгечә, иртәнге зарядка һәм линейка белән башланып китте. Иртәнге аштан соң отрядларда төрле эшләр башкарылды. Аннан соң "Волшебное путешествие в Англию" дигән тематик мероприятие үткәрелде. Хуҗина А.Р. җитәкчелегендә  балалар инглизчә җыр җырладылар, сорауларга җавап бирделәр, сүзләр тәрҗемә иттеләр, уеннар уйнадылар. Икенче аштан соң Мишә елгасы буена экскурсиягә бардык. Анда төрле халык уеннары уйнадык, табигатьнең матурлыгын һәм хайваннар тормышын күзәттек. Экскурсиядән арып кайткач, көндезге аш бик тәмле булды. Аннан соң төрле хәрәкәтле уеннар уйнап, линейка уздырып, көнне төгәлләдек. Балалар бик канәгать калды.