"Әй, дускаем, кил әле,

Күл өсләрен күр әле.

Күлдә йөзеп, суда чумып,

Рәхәтлеген бел әле,"- дигән сүзләрне бүгенге көн темасы итеп алып, "Кызыклы, мавыктыргыч эшләр" дип атап, тормыш диңгезенә кереп чумдык. Иртәнге зарядка, тәмле ашлардан соң, "Самый смекалистый" викторинасы уздырылды. Җаваплы итеп тарих укытучысы Шакирова Ә.М. билгеләнгән иде. Ул сорауларны тарих фәне буенча гына түгел, ә бөтен яктан да якын килеп әзерләгән иде. Сораулар уйланып тезелгән иде: бер сорауга бик тиз җавап алынса, икенче сорау укучыларны уйланырга мәҗбүр итте. Паузалар да, физкультминутка да үз вакытында булып, кызыклы формада узды. "Самый-самый смекалистый!" дипломына Ибрагимов Владислав һәм Әхмәтханов Илнат ия булдылар. Аларга ул көнне зур призлы бирелде. Бу матур чара тәмле ашлар белән теркәлгәч, балаларны күл буена алып киттеләр. Ә күл буеның матурлыгын әйтеп тә, аңлатып та бетереп булмаслык дәрәҗәдә иде. Кошлар сайравы, агачларның җилдә селкенүләре күңелгә рәхәтлек хисләре таратты. Рәхәтләнеп балалар ял итте: туп белән уйнадылар, агачлар, кошлар белән сөйләштеләр, фотоларга төштеләр..... Шушы рәхәтлекне, матурлыкны йөрәк түребезгә салып, лагерыбызга юл тоттык. Анда безне тагын үзләренең тәмле ашлары белән пешекче апаларбыз көтеп тора иде.