"Татарча да яхшы бел!

Русча да яхшы бул!" - дигән шигъри юллар янына "Инглиз телен дә яхшы бел!" дип өстисе килеп тора. Чөнки безнең республикабызда ике тел белән рәттән, инглиз телен өйрәнү- бүгенге көндә бик актуальтемаларның берсе. Мәктәбебезнең инглиз теле укытучылары Петрова Гөлшат Рафаиловна белән Хуҗина Айгөл Равилевналар  "Инглиз телендә сөйләшәбез!" дигән чара оештырдылар. Ике сәгать эчендә, алар балалар белән нәрсә генә эшләмәделәр?! Викторина, диспут, диалоглар, тестлар һәм башкалар, һәм башкалар. Укытучыларыбызның моңлы тавышлары балаларны инглиз телендә сөйләшүче илләргә үк алып киткән булды.

Чишмә буена экскурсиягә төшкәч тә, укучылар инглиз телендә аралашуны дәвам иттеләр. Чишмә буенда сайраган кошларның искиткеч тавышларын күңелебезгә салып, мәктәпкә кайттык. Анда бүгенге көнебезгә нәтиҗә ясап, өйләребезгә таралыштык.