"Көлегез, көлегез. файдасы күп - белегез!" дигән сүзләр белән башланып китте бу көнебез дә. Бу көнгә төрле оешмаларга ( компьютерлаштырылган ферма- Татар Икшермәсе авылы, МЧС- Иске Икшермә авылы) экскурсия каралган иде. Балалар, әйдаманнары белән берлектә, җәяү походка кузгалдылар. Төрле матур җырлар җырлап, Татар Икшермәсенә ничек килеп җиткәннәрен дә сизмичә калдылар. Ферма сыерлары да "Хуш киләсез!" дигән кыяфәт чыгарып, мөгри-мөгри балаларны каршы алдылар.  Компьютерлаштырылган ферма, әлбәттә, башка фермадан үзенең зурлыгы, иркенлеге белән аерылып тора. Сыерлары да "современныерак"!!! Фермада эшләүче апа-абыйлар, эш вакытында үзләре белән кызыклы булган вакыйгаларны сөйләп, балаларны көлдереп "эчләрен катырдылар". Экскурсиягә нәтиҗә ясап, балалар автобуска утырып, Иске Икшермә авылында урнашкан МЧСка юл тоттылар. Андагы абыйлар да ачык чырай белән "кунакларны"   каршыладылар. Балаларны шаккатырганы шул булды: янгын сүндерүчеләрнең үз куллары белән ясаган әсбатлар.  Балалар шундагы матурлыкны күреп, мәктәпкә кайткач, үзләре дә остазга әйләнделәр. "Конкурс рисунков из природного материала" дигән тема астында үткән конкурс, бөтен балаларның да күңеленә хуш килде. Көлкеле сурәтләрне ясаучылар җинүчеләр дип табылды: Ахметханова Сөмбел, Мостафин Динар, Башаров Рәзил, Кабирова Айсылу, Гәрәев Рәсим.