Бу көнгә  "Тургай" приюты сабан туенда катнашу, лагерьны ачу һәм пионербол уеннары планлаштырылган иде. 12 бала Сабантуйда җыр-биюләрдә актив катнашып, җиңүчеләр рәтендә булдылар. Калган балалар да "алма пеш, авызыма  төш" дип ятмады, төрле уеннарда бик актив катнаштылар. Һәр бала бик күп бирнә җыеп, канәгать булып кайттылар. Лагерьны ачу да концерт белән башланып китте. Кызлар матур киемнәре белән күбәләк кебек очып йөрсәләр, егетләр батырлыкта сынатмадылар. Лагерьның флагы күтәрелде. Стартка юл бирелде. Төшке аштан соң, физкультура укытучысы Гәрәфиеф И.А. балалар белән пионербол уенын оештырды. Туп һавага күтәрелгән саен, укучыларның шат авазлары әллә кайларга таралды. Лагерь  бу көнне дә бик матур итеп үтеп китте.