7 март көнендә ир-ат укытучыларыбыз безне, хатын-кызларны, чын күңелләреннән, бәйрәм белән котлап үттеләр. Алар, елмаеп, һәрберсе безнең адресыбызга матур сүзләрен, матур теләкләрен әйттеләр. Директорыбыз А.В.Петровның теләкләре һәммәбезнең йөрәгенә май булып ятты.

    "Бәйрәм белән сезне, кадерле хатын-кызлар!  Без сезгә  хезмәттәге тырышлыкларыгызга, җәмгыять тормышындагы фидакарьлекләрегезгә һәм гаилә тормышындагы уңганлыкларыгызга соклануыбызны, хөрмәтебезне,  рәхмәтебезне белдерәбез. Егетләр! Карагыз әле менә бу гүзәл чәчәкләргә, алар- безнең мәктәпнең иң матур бизәге! Мондый чәчәкләр белән горурланырга була. Бәхеткә каршы, алар барысы да бүген безнең алдыбызда утыралар. Хөрмәтле хатын-кызларыбыз!  Изге теләкләребезне кабул итеп алыгыз!

   Көннең яктылыгы - кояшта, күкнең матурлыгы - йолдызларда,  җир-йөзенең гүзәллеге - хатын-кызларда.  Сезне шур җир йөзен бизәгән хатын-кызлар көне белән тәбриклибез.

   Бәйрәмнең кайсы да җанга ял алып килә. Шушы бәйрәм көне,  елмаеп баккан кояшның матурлыгын,  табигатьнең самимилеген  өстәп,  күңелегезгә шатлык, тәнегезгә сихәтлек, өегезгә иминлек алып килсен.

   Бәйрәм белән!"

   Шушындый матур сүзләрдән соң,  алар биргән бүләкләр барчабызга да бик ошады.