Бүген "Кояшкай" да 4 нче көн. Кызганыч, санаулы көн бик тиз үтеп китә шул. Лагерь вакытында түгәрәкләр үз эшчәнлекләрен дәвам итә. Бүген "Хоккей" һәм "Оста куллар " түгәрәгендә укучылар актив һәм бик теләп шөгыльләнделәр. «Дөньяның җиде могҗизасы» турнирында  һәр бала үзенең белемен күрсәтергә өлгерде. Көн ахырында комьютерның файдалы һәм зыянлы яклары турында бик теләп фикер алыштык.

Көзге лагерьда 3 нче көн. Бүгенге көнебез гадәттәгечә иртәнге линейка һәм зарядкадан башланды. Дусларың белән бергә күнегүләр ясау күңеллерәк. Кәефләр дә күтәрелеп китә. Иртәнге аштан соң спорт түгәрәкләре башланып китте. Ә көннең икенче яртысында Әхлак тәрбиясе – күңел хәзинәсе» исемле әңгәмә булды. Татар халык уеннары "Зәлидә", "Биш парлы" уеннары барыбызга да бик ошады. Өйләргә кайтыр вакыт җиткәнен сизми дә калганбыз. Көнебезне ничек күтәренке рухта башладык, шундый ук рухта тәмамладык.

Көзге лагерьда 2 нче көн. Бүген көзге ялыбызның икенче көне. Көн яңгырлы булса да, күңелләр күтәренке.Чөнки без көне буе яраткан "Кояшкай"да, дусларыбыз белән бергә! Линейкада бүгенге көнгә план кордык. Зарядкадан соң тәмләп иртәнге аш белән сыйландык. Аннан түгәрәкләр эшен башлап җибәрдек. Гүзәл Мәсхүт кызы “Шушы яктан, шушы туфрактан без” дигән чара үткәрде, мәктәбебез музеена сәяхәт тә ясады. Ул безгә бик күп файдалы мәгълүмат бирде. Әдилә Госман кызы белән матур биюләр өйрәндек. Ашаганнан соң “Көчсез буын” уены булды. Бүгенге чаралар барыбызга да ошады.Кичке линейкада көнебезгә йомгак ясап өйләребезгә таралыштык.

Бүген ялыбыз күңелле генә башланып китте.Түгәрәкләребездәге эшчәнлек барыбызга да ошады. Агачка яндырып ясау кызларыбыз өчен аеруча кызыклы булды. Һәрберебез мультфильм, яки үзенең яраткан әкият героен ясады. «Эрудит» интеллектуаль уенында ике төркемгә бүленеп, белемнәребезне сынадык. Көнебез файдалы үтте.

Октябрь аенда мәктәп күләмендә "#БумБатл" акциясе оештырылды. Әлеге акциягә укучылар һәм укытучылар коллективы теләп катнаштык.

#БумБатл

    20-21  октябрь көннәрендә мәктәбебездә егетләр һәм кызлар арасында баскетбол (КЭС-БАСКЕТ) буенча зона ярышлары булып үтте. Ярышларда егетләребез 3 урынны, ә кызларыбыз 1 урынны яулады. Алдагы уеннарда да уңышлар Сезгә. Әфәрин!!! Котлыйбыз

Балалар Думасының эшчәнлеген активлаштыру һәм укучылар үзидарәсе лидерлары эшчәнлеген үстерү максатыннан 20 октябрьдә балалар иҗат үзәгендә «Кояшкай»балалар район думасы активистлары утырышы булды.
Безнең мәктәптән  әлеге чарада 11 сыйныф укучылары Габдрахманова Ләйсән һәм Шакирова Айзилә катнашты.

   Борын заманнарда бер авыл агаеннан                                                                                                                                                                        - Синеңчә яз яхшыракмы, әллә көзме?- дип сораганнар.                                                                                                                                        Ул, һич тә аптырамыйча:                                                                                                                                                                                             - Күз өчен яз яхшы, авыз өчен көз яхшы,- дип җавап биргән.    Менә шундый авыз өчен яхшы булган  табигатьнең иң асыл фасылында без  “Көзге бал” - уңыш бәйрәмен бәйрәменә җыйналдык.  Көз аенда мәктәптә уздырыла торган бәйрәмнәрнең иң котеп алынганы инде ул Көзге бал. Юкка түгел, чөнки көзге муллык, төсләр байлыгын бер генә ел фасылы да уза алмый. Ул көзнең иң матур чагында үткәрелә. Бәйрәмгә һәр сыйныф бик яхшы итеп әзерләнгән иде. Алар көзге уңыштан төрле композицияләр ясадылар, үзләренең иҗади сәләтләрен күрсәттеләр. Күргәзмәдә алмалардан — күбәләк корты, тигәнәктән  чып-чын аю, кабактан , миләштән, бәрәнгедән бик күп  мавыктыргы әйберләр бар иде. Бәйрәм җырлар, биюләр, уеннар һәм кызыклы конкурслар белән дәвам итте. Көзге бал бәйрәме, чын мәгънәсендә, уен-көлке, җыр-биюгә бай булды.  Барлык укучыларның да чыгышлары искиткеч иде. Кичәнең икенче өлешендә  дискотека уздырылды, бәйрәм барыбызга да ошады!

Акция "Письмо солдату"

Учащиеся МБОУ "Евлаштауская СОШ" приняли участие в акции "Письмо солдату". Классные руководители объяснили порядок написания и оформления писем военнослужащим. Ученики сами написали письма в поддержку военнослужащим Вооруженных Сил.

1552 елның 15 октябре. Бу көн милләтебез тарихына иң фаҗигале һәм иң  олы кайгылы көн булып кереп калган. Бу ел борынгы дәүләтебез Казан ханлыгының Рәсәй илбасарлары тарафыннан яулап алынуына 462 ел. Шул дәвердән бирле күпме сулар аккан, дөнья киңлегендә күпме тарихи вакыйгалар булып узган, әмма халкыбызның азатлыгы өчен  башларын салган Сөембикә-ханбикә, Япанчы, Кол Шәриф һәм аның шәкертләре, Казанны саклаганда соңгы тамчы канынача көрәшкән һәм шәһит киткән каһарман әби-бабаларыбызның якты истәлеге милләттәшләребез күңелендә азатлык, көрәш символы булып мәңге сакланыр. Бу көн – изге көн.                                                                                                                                                                                                          Хәтер көне уңаеннан мәктәбебездә эшләп килүче "Туган якны өйрәнү" ( Җитәкчесе: Гүзәл Мәсхүт кызы) һәм "Яшь талантлар" (Җитәкчесе: Рафига Рәшид кызы) түгәрәгенә йөрүче укучылар, китапханә мөдире Тәгъзимә  Гәбделгазиз кызы белән берлектә Эзмә-Өтернәс авыллары янындагы тарихи урынга-Калатауга  юл тоттык. Анда безне Иләбәр  китапханәсе мөдире  Вәсилә  Шайхулла кызы  каршы алды һәм шәһәрчекнең тарихы белән бик тирәнтен  таныштырды. Сәяхәтебез укучыларыбызга бик ошады.