Без балалар белән китапханәгә сәяхәткә бардык. "Дөнья белән танышулар китаплардан башлана" дип исемләнгән танып белү сәгатендә катнаштык.

Балалар белән Явлаштау авыл мәдәният йортында урнашкан музейга да сәяхәт кылдык. Без анда халкыбызның үткәне, көнкүреше белән таныштык. Музей экспонатлары балаларда зур кызыксыну уятты.

Көз кызы Сөмбеләне

Инде күбебез белә

Чөки көз  айларында

Ул безгә ел да килә.

Җир шарыбыз буйлап сәяхәткә чыгарга яратабыз

Суык якның пингвинын ясарга яратабыз.

Россия  зур дәүләт темасына багышланган дустанә очрашу уздырып, Явлаштау урта мәктәбенең башлангыч сыйныф укучыларын кунакка чакырдык. Мондый очрашулар балаларга дуслык, татулыкның никадәрле кирәк икәнен аңларга ярдәм итә.

Туган илем минем Татарстан

Ә районым -Байлар Сабасы

Мин яшәгән шундый матур җирне

Сез әйтегез, кайдан табасы?

Өлкәннәр көне уңаеннан бакчабызга кунакка, озак еллар бакчада эшләп ялга киткән апаларны чакырдык. Балалар аларны бәйрәм белән котлап җырлар җырладылар, матур биюләр биеделәр, чәчәк бәйләмнәре тапшырдылар. Кунакка килгән апалар бакчада эшләгән елларын искә алып,  яшьлекләрен искә алдылар. Без аларга гаилә бәхете, сәламәтлек телибез.  

Көзге матур яфраклар җыябыз.

Әйләнә- тирәбезне яшелләндерү максатыннан,  бүген апаларыбыз агач утырттылар.