Бүген бакчабызда тәрбиячеләр өчен " Мәктәпкәчә яшьтәге балаларга заман таләпләренә нигезләнеп, хезмәт тәрбиясе бирү" темасы буенча семинар булды. Бакча мөдире Газизова А.М бакчабызда балаларга ничек хезмәт тәрбиясе бирелү  турында сөйләде. 1 кв. категорияле тәрбияче Багутова Н.М "Туган көнгә күчтәнәч" квест - уен үткәрде. Файзрахманова Г.М мастер- класс оештырды. Семинар бик эчтәлекле, җанлы мөхиттә үтте. Тәрбиячеләр яңа методлар булган квест уен һәм тоннелбук турында үз- ара фикерләр алыштылар.

Бакчабызда Әниләр көне уңаеннан, балалар иртәсе үткәрелде. Бәйрәм шундый җылылык белән үтеп, җыр- биюләр, уеннар белән үрелеп барды. Балаларыбыз чын артислар кебек чыгыш ясадылар. Һәр гаиләгәдә бәхет- шатлыклар телибез!!!

Балаларга юл йөрү кагыйдәләрен өйрәтү максатыннан, "Юл фәне әлифбасы" ЛЭПБУК кулланабыз. Әлеге методик әсбапка бөтен материалда тупланган.

Бакчада балаларга хезмәт тәрбиясе бирү буенча даими эш алып барыла. 

Атна дәвамында әдәплелек турында сөйләштек. Үз- ара дус уйнарга, матур сүзләр белән сөйләшергә кирәклегенә төшендек. Яраткан уенчыкларыбызны бергәләшеп юдык.

Атна дәвамында туган авылыбыз, районыбыз, Республикабыз турында сөйләштек. Шигырьләр өйрәндек, җырлар җырладык. Табигатькә сәяхәткә чыктык.

Озак еллар "Ромашка" балалар бакчасында тәрбияче булып эшләүче тәрбиячебезне котлыйбыз! Аның хезмәтен район мәгариф бүлегедә югары бәяләде һәм мактау грамотасы белән бүләкләде.