Балаларга, халкыбызның милли киемнәре, гореф- гадәтләре турында  өйрәтү бакчада ук эш алып барыла башлый. Татар халкының җырлы- биюле уеннары, әкиятләре аша баларда халкыбызның үткәненә кызыксыну тәрбияләнә. Бүген без балалар белән түбәтәй, калфаклар бизәдек. 

Саба районы янгыннар күзәтчелеге баш дәүләт инспекторы Галимуллин Айнур Рифкатович, безнең бакчада балалар белән очрашты. Ул балалар белән янгын куркынычы турында әңгәмә корды. Балаларга сораулар бирде. Янгынны булдырмау турында бик тирәнтен итеп балаларга аңлату эшләре алып барды. 

Балаларның көтеп алган Яңа ел  бәйрәме җитте. Быел безнең чыршы бәйрәмебез ерак "Джунглидә" үтте. 

Бүген бакчабызда тәрбиячеләр өчен " Мәктәпкәчә яшьтәге балаларга заман таләпләренә нигезләнеп, хезмәт тәрбиясе бирү" темасы буенча семинар булды. Бакча мөдире Газизова А.М бакчабызда балаларга ничек хезмәт тәрбиясе бирелү  турында сөйләде. 1 кв. категорияле тәрбияче Багутова Н.М "Туган көнгә күчтәнәч" квест - уен үткәрде. Файзрахманова Г.М мастер- класс оештырды. Семинар бик эчтәлекле, җанлы мөхиттә үтте. Тәрбиячеләр яңа методлар булган квест уен һәм тоннелбук турында үз- ара фикерләр алыштылар.