Балалар белән "Теремкәй" әкиятен сәхнәләштердек. Балалар рольләргә кереп бик оста уйнадылар. 

Балалар бакчабыз белән авылыбызның китапханәсе тыгыз элемтәдә яши. Китапханә мөдире Галиева Тәгзимә апа бакчабызда көтеп алынган кунак. Ул балалар өчен булган нәни китапларын безгә укырга алып килә. Бүгендә ул безгә әкиятләр, шигырьләр укыды, уеннар оештырды. Балаларыбыз бик шат калдылар.

Балаларга бакчабызда юл йөрү кагыйдәләрен өйрәтү буенча даими эш алып барыла. Районыбызда үткәрелгән бәйгеләрдә балаларда, педагогларда бик теләп катнашалар. 

"Яшел ут" бәйгесендә актив катнашкан өчен диплом белән бүләкләндек.

Саба районы янгыннар күзәтчелеге баш дәүләт инспекторы Галимуллин Айнур Рифкатович, безнең бакча хезмәткәрләре белән очрашты. Ул үз чыгышында янгын сүндерү һәм янгынны кисәтүче автоном җайланмалар турында сөйләде. Огнетушитель белән ничек эшләргә кирәклеге турында аңлатты. Әлеге җайланмаларны өйләребездә дә булдырырга кирәклегенә басым ясады. Аңа җылы әңгәмә оештырган өчен коллектив исеменнән рәхмәт белдерәбез. 

Бакчабызда шаулап, гөрләп Яңа елны каршы алу бәйрәме үтте.

Бакчабызда әниләр көненә карата бәйрәм үткәрелде. Әниләребез балалар белән уеннар уйнадылар, биюләр биеделәр, җырладылар. Балалар Ф. Яруллинның "Кызыл алма" әкиятен сәхнәләштерделәр. Балаларның күзләрендә шатлык нурлары балкып торды. Нинди бәхет бит ул Әниле булу!