Бүген безнең балалар бакчасында бик тә матур бәйрәм - Әниләр көне булып узды. Бәйрәмгә балаларның әниләре, дәү әниләре килде. Балалар өйрәнгән шигырьләрен сөйләзделәр, җырларын, биюләрен башкардылар.

    Нигә бүген бөтен җирдә

    Чәчәкләр балкый бездә,

    Нигә кояш көлеп карый –

    Беләбез һәммәбез дә.

       Бүген - әниләр бәйрәме,

        Бүген җирдә тантана.

        Кояш шуңа көлә бүген,

        Гөлләр шуңа шатлана.

   Әниләрнең бәйрәменә

   Куана шулай алар.

   Әниләрне котлый бүген

   Җирдә барлык балалар.

Бакчабызда Көзге уңыш бәйрәме булып узды. Балалар үзләре өйрәнгән шигырьләрне сөйләделәр, матур җырлар җырладылар, "Шалкан" әкияте куйдылар.

Хөрмәтле өлкәннәребез!

Халыкара өлкәннәр көне уңаеннан сезгә иң җылы, ихлас котлауларыбызны җиткерәбез. Без сезне, хезмәтегезне ихтирам итәбез, рәхмәтләребезне белдерәбез. Һәммәгезгә дә нык сәламәтлек, иминлек, озын гомер, күңел тынычлыгы, якын кешеләрегезнең мәхәббәтен, игътибарын һәм хөрмәтен тоеп, озак яшәвегезне телибез. Бәйрәм белән! Шул уңайдан безнең балалар бакчасында эшләп лаклы ялга чыккан апаларыбызга Саба җитәкчелеге һәм Саба спонсорлары әзерләгән бүләкләр тапшырылды. 

Йөрәкләрдән чыккан назлы сүзләр,
Күңелләрдә булган саф хисләр,
Озын гомер, якты, тыныч тормыш –
Безнең сезгә әйтер теләкләр.