В целях обеспечения безопасности детей и предупреждения преступных действий в отношении несовершеннолетних и охрана жизни и здоровья воспитанников были проведены следующие мероприятия:

22 апрельдән 26 сына кадәр бакчабызда эшчәнлек "Г.Тукай - безнең күңелләрдә" дигән тема астында үтте. Балалар тукайның тормыш юлы, иҗаты белән таныштылар, шигырьләрен ( татарча, рус телендә дә) өйрәнделәр.

26 апрель-татар халкының мәшһүр   шагыйре, бөек әдип Г.Тукайның туган көнен залга җыелып билгеләп үттек. Балалар яраткан шагыйребез Г.Тукай турында, ул иҗат иткән шигырләрне сөйләделәр. Аннары  "Су анасы" әкиятен мультимедиа аша карадылар. Бәйрәмне тәмамлап, шагыйрь сүзләренә язылган, татар халкының гимнына әверелгән "Туган тел" җырын балалар белән бергәләп җырладык.

Ә тәрбиячеләр белән "Син Тукайны беләсеңме?" дигән темага викторина үткәрелде. Тәрбиячеләр Г.Тукай, аның тормыш юлы, иҗаты турында бирелгән сорауларга тулы, дөрес җавап бирделәр.

Бу бәйгедә тәүге тапкыр

Чыктык сезнең каршыга.

Уңганмы без, көчлеме без-

Сыналырбыз без монда.

Тотып алып ракетканы,

Кул язып алыйм әле,

Шушы разрядлы шарчыкны

Бәреп бер карыйм әле.

Бүген бәйге,

Бүген бәйрәм,

Күңелләр көр, йөрәк шатлана.

Бакчалар арасында

Теннис уйнау ярышында

Дуслык шулай кабатлана.

Иртән килгәч бакчага

Суганга, чәчәкләргә

Сулар сибәм һәр көнне.

Матур яшел үсентеләр

Сокландыра һәркемне!

И сабыйлар! Эшләгез сез, иң мөкатдәс нәрсә- эш,

Эш агачы һәрвакытта бик юмарт китерер җимеш.

Яшьлегеңдә күп тырышсаң, эшкә бирсәң чын күңел,

Каршыларсың картлыгыңны бик тыныч һәм бик җиңел.

                                                Г.Тукай.

11 апрель көнне бакчабызда гомуми әти-әниләр җыелышының чираттагысы булды. Көн тәртибе буенча Федераль дәүләт таләпләрен тормышка ашыру буенча эшчәнлек, туклану, балаларның бакчага йөргәне өчен түләү, балаларны яклау көне турында бакча мөдире аңлаешлы итеп сөйләде.  

Җыелышның икенче өлешендә тәрбиячеләр һәм балалар катнашында 6 апрель көнне булып узган район тәрбиячеләре өчен методик көндә күрсәтелгән Форм "Әллүки" ШКАБ -SKYPE  тәкъдим ителде.

8-12 апрель атнасы "Космоска юл" темасы астында үтте. Балалар атна буе галәм, космонавтлар, җир һәм башка планеталар, йолдызлар турында күп мәгълүмат алдылар, белемнәрен ныгыттылар. 12 апрель - космонавтика көне. Бу көнне балалар залга җыелып "Работа на космосе", "Первый космонавт Юрий Гагарин" дигән презентация карадылар, үзләре дә галәм, космонавтлар турында сөйләделәр.