Тирә - юньне пычратудан, табигатьне кешеләр тарафыннан уйламыйча эшләнгән төрле адымнардан саклау – бүгенге көннең иң әһәмиятле мәсьәләләреннән берсе. Ә моңа балаларга кече яшьтән экологик тәрбия биреп кенә ирешергә мөмкин. Табигатьне күзәтү, сакларга омтылу – балаларның рухи дөньясын баета, уйларга өйрәтә. Балаларга белем һәм тәрбия бирүдә бакчабыз хезмәткәрләре иң беренче үзләре үрнәк күрсәтәләр.

     Бүген, 31 август көнне, бөтенроссия экологик өмәдә алар актив катнаштылар

Яңа уку елына коллектив балаларны каршы алырга әзерләнә. 

Балачак серле, тылсымлы, шатлыклы дөнья. Бу тылсымлы дөнья кайда бар соң?  Әйе, әйе балалар бакчасында! Тылсымлы дөньяны мәшһүр мәгърифәтче – галим, педагог Ризаэддин Фәхреддиннең “Балаларыгызны  үзегез яшәгән заманча һәм башка заман өчен дә яраклы итеп тәрбияләгез” дигән сүзләре бүген бакчабызда район тәрбиячеләре өчен  үткәрелгән август киңәшмәсендә киң чагылыш тапты. 

   Киңәшмәнең максаты:

- балалар бакчаларында яңа инновацион технологияләр куллану;

- мәктәпкәчә белем бирү учреждениеләрендә Татарстан Республикасы  дәүләт телләрен өйрәтү программасы буенча икетеллелекне тормышка ашыру.

   Кунакларны, музыка җитәкчесе Гүзәл Халиуллина өйрәткән,  үзләренең осталыклары, җыр – биюләре белән сәламләп   балалар  каршы алдылар.

“Юлда булсаң – бул өлгер, юл кагыйдәсен син бел!”- безнең девиз.  ЮХИДИ инспекторы Илнур Насибуллин тәрбиячеләргә бүгенге һәм алда булган үзгәрешләр, тәрбиячеләргә нинди бурычлар йөкләнүен аңлатып китте.

   Мәктәпкәчә белем бирү учреждениеләрендә Татарстан Республикасы  дәүләт телләрен өйрәтү программасы нигезендә икетеллелекне тормышка ашыру буенча рус теле тәрбиячесе Широва Гулнур Габделфартовна презентация белән эшчәнлегендәге яңалыклар, балалар белән эшчәнлекнең төрләренә тукталды.

   Ике теллекне тормышка ашыру буенча тәрбияче Султанова Гөлшат Гаптелхаевна федераль дәүләт таләпләрен тормышка ашыруда "Уен аша сөйләм теле үстерү" темасы буенча кечкенәләрдә эшләү алымнарына тукталып, киңәшләрен бирде.

Балалар бакчаларында һәм әти – әниләрне борчыган авазлардагы кимчелекләр һәм аларны бетерү өстендә эшләү алымнарын бакчабызның логопеды Миләүшә Халимова, килгән тәрбиячеләр белән бергә, практикум итеп үткәреп, киңәшләрен бирде. Һәм алар үзләренә кулланма итеп алырга өйрәнеп киттеләр.

Безнең "Әллүки" балалар бакчасының тирәсе гөлләргә күмелде.  Бакчабызның матурлыгы балалар күңеленә шатлык, әхлак күнекмәләре бирүдә ярдәм итә.  Бу инде үз чиратында, әти- әниләр белән дустанә мөнәсәбәттә эшләү нәтиҗәсе.

Тычканыбыз һәркөн иртән балаларны зарядкага чакыра.

Тычкан сигнал бирүгә,

Басарга өлгерәбез.

Тиз-тиз генә тезелеп,

 Бик җитез  йөгерәбез.

Хуш исле үләннәр салсам

Әгәр дә алларына,

Куяннар бит йөгерешеп

Киләләр яннарыма.

Бары да озын колаклы,

Барысы да йомшаклар.

Беләсезме? Бездән генә

Курыкмый бу куркаклар.