Буген зурлар төркемендә әти-әниләр җыелышы үткәрелде. Балалар тәрбияче апалары белән берлектә "Светофор иленә сәяхәт" исемендә бердәм белем бирү эшчәнлеген күрсәттеләр. Үзләре белән Белмәмешне алдылар. Аны юл йөрү кагыйдәләре, юл билгеләре белән таныштырдлар. Әти-әниләр, балалар белән очрашуга ЮХИДИ хезмәткәрләре Гүзәл Назифовна, Илнур Дамирович килделәр. Илнур Дамирович балаларның юл билгеләрен, юл йөрү кагыйдәләрен яхшы өйрәнгәннәрен билгеләп үтте. Юлда исән-имин йөрер өчен һәрдаим кагыйдәләрне үтәргә кирәклеген искәртте. Әти-әниләрнең балалар өчен үрнәк булуларын аңлатты. Карангы вакытта юлда йөргәндә балаларның, өлкәннәрнең киемнәрендә ут кайтарткыч элементлар булырга тиешлеген искәртте. Әти-әниләрне кызыксындырган сорауларына җавап бирде. Гүзәл Назифовна балаларга, тәрбияче апаларга рәхмәтен җиткерде, юл йөрү кагыйдәләрен өйрәнү өчен уеннар, методик әсбаплар тапшырды.

Салкын, саф һава,

Йомшак кар ява.

Урамга чыксаң,

Битләр кызара.

Кар бөртекләре

Өстеңә куна,

Үзләре матур

Һәм салкын була.

                       Ә.Бикчәнтәева

Бәрхетләрдән тегелгән,

Ука белән чигелгән.

Бизәкләре көмешләргә,

Энҗеләргә күмелгән.     Калфак                           

"Әбиемнең серле сандыгы" атнасы кысаларында зурлар төркеме балаларын татар халкының милли киемнәре, милли биәзкләре белән якыннанрак таныштыру, милли әйберләрнең үзләренә генә хас булган билгеләрен төшендерү, балаларга зәвык тәрбиясе бирү, татар милли сәнгатенә мәхәббәт һәм ихтирам тәрбияләү максатыннан бердәм белем бирү эшчәнлекләре үткәрелде. Балалар танышып кына калмадылар үзләрен чын рәссам итеп хис иттеләр. Татар халкының милли өс, баш, аяк киемәрен бизәделәр, нинди биәкләр төшерүләре турныда сөйләделәр.

Яңа еллар килсен бәхет алып, 

Яңа еллар килсен елмаеп,

Күңелләрдә мәңге шатлык булсын,

Яшәмәгез дуслар моңаеп.

Иске яңа ел котлы булсын,

Дөньялар тыныч торсын.

Бәбиләр туып торсын,

Табыннар тулып торсын!

Бүген бакчабызда искечә яңа елны билгеләп балалар белән чыршы тирәли әйлән-бәйлән уйнап, җыр, бию, шигырьләрне искә төшереп Искечә Яңа ел бәйрәмен үткәрдек.

   Хәрәкәтле уеннар яш буынны физик яктан нык һәм сәламәт тәрбияләү , аның хәрәкәт итү мөмкинлекләрен үстерү һәм сәләтләрен камилләштерү кебек бер-берсенә тыгыз бәйләнгән комплекслы бурычларны хәл итүдә алыштыргысыз чара булып тора. Хәрәкәтле уеннар баланың иҗатын, хыялын, игътибарын үстерүгә, инициативалылык, мөстәкыйльлек тәрбияләүгә, җәмәгать тәртибе кагыйдәләренә хөрмәт уятуга юнәлдерелгән. Әлеге бурычларны хәл итү, уеннарның үзләрен үткәрүдән бигрәк, аларны оста итеп оештыруга, методик таләпләрне катгый саклауга бәйле. Хәрәкәтле уеннар, хәрәкәтләр шулай ук координацияне  камилләштерүгә комплекслы йогынты ясыйлар. Бу яшьтә уен эшчәнлегенең нигезләре салына. Алар иң элек йөрү, йөгерү, сикерү, ыргыту кебек хәрәкәтләрне: тупны тоту, предметны бер кешедән икенчесенә тапшыру, туп ыргыту , туп сикертү кебек уен кагыйдәләрен; урын сайлау, партнер, команда белән килешеп хәрәкәт итү кебек техник-тактик гамәлләрне камилләштерүгә юнәлдерелгән . Тәрбия һәм белем бирү барышында балалар бик күп уен төрләре белән танышалар, алар уен эшчәнлегенә карата кызыксыну уята, мөстәкыйль рәвештә уенны сайларга һәм иптәшләре белән буш вакытта уйнарга өйрәнә.