Көз ае җитеп, сулар ката башлагач, кеше гомеренә куркыныч яный. Сулыкларда боз кату белән, халык тимераякта шуарга, балык тотарга ашыга. Кызганычка каршы, көзге боз, тиешле дәрәҗәдә катып бетмәгәнлектән, төрле авырлыкны тота алмыйча ярыла.

Тимераякта шуу, балык тоту ни дәрәҗәдә кызыклы, мавыктыргыч булса да, үз тормышыбызны куркыныч астына куймыйк, балаларыбызны кисәтик, аларны су буенда караучысыз калдырмыйк.

Шул исәптән, 7 нче ноябрь көнне “Бигәнәй  “Ромашка” балалар бакчасында зурлар катнаш төркем белән төрле чаралар үткәрелде. Иртәнге якта “Сак бул, юка боз”, “Сулыкта үзеңне ничек тотарга” дип исемләнгән рәсемнәр ярдәмендә әңгәмә үткәрелде. Сөйләм теле эшчәнлегендә балаларга водолаз һөнәре турында мәгълүматлар сөйләнде.Көннең икенче яртысында “Юка боз куркыныч”дигән темага багышланган экскурсия ясалды . Балаларга сулыкларда, бозда үз-үзеңне тоту кагыйдәләре турында аңлатылды.