Электронное образование Республики Татарстан

     15 февральдә татар шагыйре Муса Җәлилнең тууына 120 ел булды. Шагыйрьнең исеме бөтен дөньяга билгеле, ул батырлык, каһарманлык, Ватанга тугрылык символы булып санала.
      Шул уңайдан, безнең балалар бакчасы авыл китапханәсе белән берлектә «Муса Җәлил – герой шагыйрь» дигән әдәби кичә уздырды. Китапханәче балаларга герой – шагыйрь Муса Җәлилнең тормышы, балачагы, аның китаплары һәм шигырьләре, «Моабит дәфтәрләре» җыентыгы турында сөйләде, «Кызыл ромашка», «Җәлил варислары» китаплары белән таныштырды. Балалар «Маэмай», «Карак песи», «Кәккүк» шигырьләрен , «Әтәч»,   "Сәгать" исемле җырын  зур кызыксыну белән тыңладылар. Муса Җәлилнең "Күрсәт әле үскәнем" шигыренә музыкаль- хәрәкәтле уен уйнадылар.

        8 февральдә Россиядә фән көне билгеләп үтелә. Бу көнне галимнәрнең казанышлары, аларның ачышларының илебез һәм бөтен дөнья өчен әһәмияте турында сөйлиләр.
Бу искиткеч бәйрәм алдыннан бүген, 5 февральдә, безнең балалар бакчасында традиция буенча тематик Фән көне узды. Аның максаты-балаларда танып белүгә кызыксыну, кызыксынучанлык һәм мөстәкыйль тикшеренүгә омтылыш үстерүгә ярдәм итү. Балаларның яңаны белү, әйләнә-тирә дөньяны өйрәнү теләген хуплау мөһим, аларның кызыксынуын кирәкле юнәлешкә юнәлтү мөһим. Кечкенә тикшеренүчеләр өчен безгә, өлкәннәргә, гадәти һәм аңлаешлы булган бөтен нәрсә өйрәнелмәгән территория булып тора. Алар сизәләр һәм барысын да сынап карарга телиләр. Балалар мавыгып экспериментлар һәм мавыктыргыч ачышлар дөньясына чумдылар. Яшь тикшеренүчеләр, мавыктыргыч тәҗрибәләр һәм күзәтүләр үткәреп, әйләнә-тирә дөнья күренешләренең үзлекләрен өйрәнделәр.