Экология проблемасы үзенең актуальлеге, үткенлеге белән бүген бөтен кешелек алдына килеп басты. Чөнки киләчәк буыннар язмышын фән-техника казанышлары түгел, ә җир-суларның экологик торышы хәл итәчәк. Экологик аңлылык, фикерләү дәрәҗәсе, мәдәнилек – болар килеп туган хәлдән чыгуның бердәнбер юлы булып тора. Ә моның өчен балаларга кечкенәдән үк экология тәрбиясе биреп кенә ирешергә мөмкин.

Район күләмендә уздырылган “Агач утырту” акциясендә дә безнең “Ромашка” балалар бакчасы актив катнашты. “Агач утырткан – ага булган”. Бу  сүзләрдә нинди тирән мәгънә ята. Әйе, дөрестән дә, бер генә агач утыртсаң да, табигатькә, бөтен әйләнә-тирәлеккә  күпме файда китерәсең. Агач-куаклар тирә-як мохитебезне матурлаучы, саклаучы булып торалар. Юкка гына урманны  галәмебезнең  үпкәсе димиләр. Һәркайсыбызныћ  сәламәтлеге дә яшеллек белән нык бәйләнгән.

Шул форсаттан файдаланып, “Ромашка” балалар бакчасы табигатебезне яшелләндерүгә үз өлешен кертте. Балалар, тәрбияче апалары белән бергәләп,  бик күп агачлар утырттылар. Тәрбияче апалары аларга агач утыртуның табигатькә, барлык кошларга, җәнлекләргә, кешеләргә никадәрле файда китерүен аћлаттылар. Балаларның үзләренең нинди изге эш эшләүләрен аңлаулары шатлыклы йөзләреннән, тырыша-тырыша тәрбияче апаларына агач утыртуда булышуларыннан күренә иде.

18 апрель −Халыкара һәйкәлләр һәм тарихи урыннар көне. Бу көн 1984 нче елның 18 нче апреленнән башлап билгеләп үтелә. Әлеге истәлекле датага багышлап без балалар белән Бигәнәй китапхәнәнәсенә кунакка бардык. 

17 нче апрель көнне балалар бакчасында "Буратино белән сәяхәт" дигән темага ПДД буенча ачык дәрес булып үтте. Дәреснең максаты : юл йөрү кагыйдәләре буенча белемнәрен тикшерү, светофордан һәм юл билгеләреннән дөрес итеп файдалана белү күнекмәсен ныгыту, активлык, игътибарлылык тәрбияләү, олыларга карата хөрмәт хисен уяту.