29-31 нче май көннәрендә Бөгелмә шәһәрендә мәктәп укучыларының Бөтенроссия спорт бәйгесе “Президент ярышлары”ның республика этабы булып үтте. Әлеге ярышта сайлап алу турыннан узган район командалары катнашты. Саба районы данын  мәктәпнең  8 нче сыйныф укучылары яклады (җитәкчесе Мухаметгалиев И.Ф.). Командалар иҗади конкурс, теоретик конкурс, “спортвное многоборье”, эстафета, шахмат, өстәл теннисы һәм дарст төрләрендә үз көчләрен сынадылар.

Саба районы командасы “споривное многоборье” төрендә икенче, иҗади конкурста беренче, теоретик конкурста икенче, өстәл теннисында икенче, шахматта беренче, эстафетада өченче урыннарны алуга иреште. Шәхси беренчелектә шахмат буенча Билалова Энҗе беренче, Зарипова Алсу икенче, өстәл теннисында Набиуллин Илгизәр беренче, Шайдуллин Алмаз икенче, дарст буенча Набиулллин Илгизәр икенче һәм “споривное многоборье” нәтиҗәләре буенча Усманов Әлфис икенче урыннарга лаек булдылар. Гомумкоманда зачетында Саба района командасы икенче урынны алуга иреште. Аларны чын күңелдән котлыйбыз!