Мәктәбебездә башлангыч сыйныфлар атналыгы башланып китте. Башлангыч сыйныфларда бала күп кырлы шәхес итеп тәрбияләнә, башлангыч сыйныф укытучысының максатлары иң бөек манарага тиң. Акыл үсешен тәрбияләү, балага идеяләр бирү, хыялга омтылыш, рәсем, җыр сәнгатенә төшендерү, туклану әлифбасы, сәламәтлекне саклау, физик активлык, хезмәт сәләте, табигатькә, ата-анага, әйләнә-тирәгә мәхәббәт тәрбияләү беренче укытучы җилкәсенә йөкләнә. Шушы максатларны да күздә тотып, башлангыч сыйныфлар атналыгы өчен план төзелде.
Башлангыч сыйныфлар атналыгы иң беренче балалар бакчасы коллективын, тәрбияче апаларыбызны бәйрәм белән котлау, тәбрикләүдән башланып китте. Укучыларның матур чыгышлары, җыр-биюләре, шат елмаюлары, изге теләкләре тәрбиячеләребезгә бик ошады. Концертта барлык башлангыч сыйныф укучылары да катнашты.