Бүгенге көнебезнең темасы -  "Балаларга сугыш турында". Иртәнге аштан соң "Сугыш турында мәкаль һәм әйтемнәрдә" исемле әдәби сәгать үткәрелде. Аннан соң обелиск янына чыктык. Бөек Ватан сугышында катнашкан авылдашларыбыз турында әңгәмә кордык. Төшке аштан соң саф һавада уеннар уйнадык.

Бүгенге көнебез җәнлекләргә багышланган иде. Иң башта балалар ике командага бүленеп "Безнең өлкә җәнлекләре" темасына викторинада көч сынаштылар. Рәсем күргәзмәсе оештырдылар. Ә аннан соң "Туган як" җәмгыятенә сәяхәткә бардылар. Анда малларны ашату, тәрбияләү белән таныштылар. 

   6 июнь - Халыкара рус теле көне буларак билгеләп үтелә. Олы Шыңар урта мәктәбендә оештырылган “Дуслык” мәктәп яны сәламәтләндерү лагере да бу чарадан читтә калмады. Балалар өчен  Александр Сергеевич Пушкинның иҗаты буенча викторина үткәрде.

Бүген балалар Саба районы паркларына сәяхәт ясадылар. 

Бүген "Дуслык" лагеренә йөрүче балалар белән Миңгәр авылында урнашкан "Затчы-Зодчий" музей-остаханәсенә юл алдык. Анда балчыктан төрле әйберләр ясау серләренә төшендек. Төшке аштан соң рәсем конкурсы үткәрдек, төрле уеннар уйнадык.

Бүген балалар белән Олы Шыңар авыл мәчетенә сәяхәткә бардык. Төшке аштан соң төрле уеннар уйнадык.

Бүген "Дуслык" лагерында 7нче көн. Гадәттәгечә иртәнге линейка, зарядка ясаганнан соң балалар ашханәгә юл алды. Аннан соң инструктажлар үткәч "Нарат" боз сараена сәяхәткә кузгалдык. Анда рәхәтләнеп тимераякта шудык. Төшке аштан соң "Без начар гадәтләргә каршы" темасына әңгәмә һәм рәсемнәр ясадык.

Бүген "Дуслык" лагерында 6нчы көн. Балаларны яклау көне уңаеннан балалар белән төрле ярышлар үткәрелде. Олы Шыңар күл буена сәяхәт ясалды. 

Сегодня ученики 8 класса участвовали в конкурсе среди педагогических классов “Педогагический взлет”, “Педкласс-это про нас!”. 

Бүген лагерьга йөрүче балалар белән һөнәрләр белән танышуыбызны дәвам итеп Асадуллиннар хуҗалыгына бардык. Анда ат тәрбияләү һәм әлеге өлкәдә эшләүчеләр белән таныштык.