Рус теле эшчәнлегендә кыргый җәнлекләрне һәм йорт  хайваннарын өйрәнә башладык һәм дәфтәрләрдә кыш көне кайсы җәнлек йоклаганын билгеләдек. 

И күңелле бу урамда бигрәктә тау шуганда. 

Бу атна эчендә "Муса Җәлил -халык улы" темасы буенча эшлибез. Балаларда патриотик хисләр тәрбияләү, балаларны Муса  Җәлил иҗаты белән таныштыруны дәвам итү, әдәби әсәрләренә кызыксыну уяту максаты куелды.

Кечкенәләр белән Муса Җәлил әсәрләренә рәсемнәр буядылар һәм шигырьләрен искә алдылар.

Әкияти образларны үзләренчә күзаллап, аларны кисеп ябыштыру ысулларын мөстәкыйль сайлап алуга ирешү. Төсле кәгазьне дөрес кулланырга өйрәтү. Әдәби әсәрләрне иллюстрацияләүгә кызыксыну тәрбияләү максатыннан балалар белән кисеп ябыштыру эшчәнлегендә йорт иясе Кузька ябыштырдык.

Буген безнең мәктәпкә әзерлек төркеме балалары мәктәпкә дәресләргә йөри башладылар. Гараева Сиринә апалары аларга төрле биремнәр, сораулар бирде, белемнәрен тикшерде. 

Бүгенге сөйләм  үстерү эшчәнлегендә заманча әкиятләрне таный белергә  аларның эчтәлеге буенча фикер йөртергә өйрәндек.

Бу атна эчендә "Заманча әкиятләр"  темасы буенча эшлибез һәм балалар белән рәсем эшчәнлегендә түбәдә яшәүче Карлсонны ясадык, кисеп ябыштыру элементлары кертеп түбә ясарга өйрәндек.