Саф һавага чыккач агачларны танырга өйрәнүне дәвам иттек һәм кечкенә генә нарат агачының ылыслары чәнечкеле шул ук вакытта йомшак,  тәмле исле булуын күзәттек.

Табигатебезне тагында ямьләндерү, яшәртү уңаеннан бакчабыз тирәли мәктәпкә әзерлек төркеме  балалары белән агачлар утырттык.

Саф һавада уйнаулары бик рәхәт.

"Бу кайсы агачның яфрагы" дигән  дидактик уен уйнадык. Хәтта кечкенә Азаматта безнең белән уйнады.

Бүген "Миләшкәй" балалар бакчасы мөдире Каюмова Гөлсинә Хәмитовнага 50 яшь. Гөлсинә Хамитовнаны котларга дип,  район мәгариф бүлеген әйдәп баручы белгече Гумерова Луиза Мажитовна, мәгариф идарәсе профсоюз оешмасы рәисе Шәмсевалиева Айгөл Маратовна һәм Завод - Нырты мәктәбенең профсоюз оешмасы рәисе Миннегалиева Сания Минненакиповна  килделәр.  Гөлсинә Хамитовнаны котлап  мактау грамотасы һәм бүләкләр тапшырылды. 

Бу дөньяның йөзек кашы, 

Бәһа җитмәс 

Иң кыйммәтле асылташы. 

Горур да сез 

Тау кыядай, буй җитмәслек 

Гүзәл дә сез

Бер гөлгә дә тиңләшмәслек.

Хатын - кыз сез!
Безнең хезмәт коллективында төгәллеге, таләпчәнлеге, тыйнаклыгы һәм искиткеч гүзәл елмаюы белән аерылып торган Гөлсинә Хамитовнага 50 яшь!
Тәбриклибез сезне  50 яшьлек юбилеегыз  белән. Сезгә шушы бәйрәмегездә теләкләрнең иң изгесен, иң сафын юллыйбыз. Җаныгызда йолдызлар балкышын сүндермичә, күңелегездәге яшәүнең алкышын киметмичә, сәламәтлек дәрьясында коенып яшәвегезне телибез.Иң изге теләкләребезне юллап  "Миләшкәй" һәм "Карлыгач" балалар бакчасы коллективы.

Бүген балалар белән мәдәният йортына барып Габдулла Тукай абыйны искә алдык, аның язган шигырьләрен сөйләдек, яратып башкара торган "Туган тел"  җырын  җырладык һәм күп төрле уеннар уйнадык. Мәдәният йорты җитәкчесе  Розалия Каюм кызы һәм китапханәче Люция Борисовна балаларга матур җырлаганнары, уйнаганнары өчен бүләкләрдә өләштелер.

Г.Тукай абыйның китаплары белән танышуны дәвам иттек һәм китапханәче Люция Борисовна яңадан күп төрле матур китаплары белән таныштырды һәм китапларны яраткан бала укымышлы, белемле, тәртипле, акыллы, инсафлы күп белүчән, максатчан була , диде.

Бик матур итеп Гаянов Рәсүл Г.Тукай "Гали белән кәҗә" шигырен сөйләде.

Бу атна башы "Урман - җиребезнең матурлыгы, байлыгы" проекты белән башланды.  Балаларда урманга һәм аның байлыкларына карата сак караш тәрбияләү, кешеләр тарафыннан табигатьне сакларга кирәклеген турында нәтиҗә чыгара белү, урман эчендәге тереклеккә, табигатенә сакчыл караш уяту максаты булып тора. Һәм балалар белән рәсем эшчәнлегендә урманда үсүче агачларны өйрәнүне дәвам иттек , рәсемгә төшердек.

Апрель айлыгында "Неделя доброты"  акциясе  уңаеннан безгә кунакка 6 сыйныф укучылары һәм класс җитәкчесе Әнисә Тимерҗановна бездә кунакта булдылар. Балалар апалары, абыйлары белән төрле уеннар уйнадылар күңелле генә вакытларын үткәрделәр.