Бүген Рәниф белән Камилнең туган көне. Рәнифкә 7 яшь тулды.  Камилгә 3 яшь тулды. Балалар аларны  туган көне белән котлап теләкләр теләделәр һәм җыр җырладык. Алар  үзләренең шатлыклары белән уртаклашып һәр балага бүләкләр өләште.

Бүген бакчабызда өмә уздырылды бар җирне җыештырдык, чупләрдән чистарттык.

Нинди таныш, моңлы көй бу?

Тукай җыры - “Туган тел”.

Истән бер дә чыкмый торган

Халык көе - туган тел, дип ачып җибәрелде Габдулла Тукайга багышланган иртәбез. Әйе, сөекле Тукаебызны беркайчан да истән чыгармыйбыз. Аны яратабыз, зурлыйбыз. Шигырьләрен, әкиятләрен укып яшәргә өйрәнәбез. Менә бүген дә без бу залга сөекле шагыйребезнең туган көнен билгеләп үтәргә дип җыелдык. 

Без бүген Завод- Нырты мәктәбендә мәктәпкә әзерлек төркеме балалары белән Габдулла Тукайга багышланган "Әдәби-музыкаль иртәдә"  катнаштык. Габдулла Тукайның иҗат иткән шигырьләрен сөйләдек.

Кунакка килгән Шүрәлегә җыр да җырладык. 

Балалар белән язның матур көннәренә сөенеп урамга чыктык һәм сыерчыкларыбызны күзәтүебезне дәвам иттек. 

Балалар белән Габдулла Тукай әсәрләрен искә төшерүебезне дәвам итеп әвәләү эшчәнлегендә "Шүрәле", "Кызыклы шәкерт", "Бала белән күбәләк" әсәрләреннән персонажлар әвәләдек.

Бүген Айзатның туган көне!!! Аңа 5 яшь тулды.

Котлы булсын, Айзат, туган көнең,

Гел шатланып үтсен көннәрең.

Сиңа сөенеч кенә китерсеннәр

Якыннарың, барлык дусларың. 

Айзатны туган көне белән котлап җыр җырладык һәм теләкләр теләдек. Ул үзенең бәйрәм көн уңаеннан балаларга бүләкләр өләште.

Балаларда Г.Тукайның күпкырлы иҗатына кызыксыну уяту, ихтирам хисләре тәрбияләү. Шигырьнең эчтәлеге буенча үз фикерләрен әйтә белү, фикерләү, хәтер сәләтен үстерү, яттан сөйләү. Г.Тукайның тормыш һәм иҗат юлы белән таныштыру, әдәби әсәрләрне тыңлый, эчтәлеген сөйли белүләренә ирешү максатыннан сөйләм үстерү эшчәнлеге үткәрелде.