Ел дәвамында тәрбиячеләр балалар белән экологиягә кагылышлы төрле чаралар үткәреп торалар.  Чүпләрне төрләргә бүлеп, аерым савытларга җыеп барырга кирәклеген уеннар аша ныгыталар.

Саф һавага чыккач балалар белән агачларны күзәттек һәм "Әйтелгән агачка йөгер" уенын уйнадык.

Табигать  почмагында балалар белән суган, сарымсак утырттык, чәчәкләр чәчеп куйдык. Көн дәвамында сулар сибеп, усентеләрне күзәтәбез. Суган , сарымсакның файдасы турында сөйләшәбез.

Кечкенәләр белән төсләрне, уртанчылар белән саннарны  "Бияләйләрне парлаштыр" уены аша узләштердек.

Грамота эшчәнлегендә "Ы" хәрефе белән таныштык аны язарга өйрәндек.

Рәсем эшчәнлегендә балалар белән янгын сүндерү машинасын рәсемгә төшердек һәм никадәр утны   сак куллансак, шулкадәр үзебезне саклауыбызны аңладык. Янгын куркынычсызлыгы кагыйдәләрен өйрәндек.

Язның беренче аенын соңгы көне булса да әмма кыш ае бездән китергә ашыкмый. Ул үзенең салкыннары, ап-ак карлары белән безне һаман сөендереп, куандырып тора.

Бүген үзебезнең утырткан суганны күзәттек.

Бүген "Миләшкәй" бакчасы балалары  белән Олы - Нырты мәдәният йортына экскурсиягә бардык. Һәм "Туган телем - иркә гөлем!" дип, исемләнгән бәйрәм иртәсендә катнаштык. Бәйрәмебезнең максаты балаларның туган тел турында белемнәрен камилләштерү, шигырь, җыр,мәкальләр аша туган телебезнең матурлыгын, байлыгын күрсәтү, туган телебезне ярату хисләре, башлаган эшне ахырына кадәр җиткерү теләге тәрбияләү, сүз байлыкларын арттыру әбием сандыгында ниләр барлыгын искә төшерү. 

Бәйрәм вакытында яратып җырлый торган татар халык  җырын "Куш кулым" ны  җырладык.