И туган тел, и матур тел, әткәм-әнкәмнең теле!

Дөньяда күп нәрсә белдем син туган тел аркылы.

 Иң элек бу тел белән әнкәм бишектә көйләгән,

Аннары төннәр буе әбкәм хикәят сөйләгән. Без бүген балалар белән Габдулла Тукай "Туган тел" җыры белән башлап җибәрдек "Туган телем - иркә гөлем" дип, исемләнгән иртәбезне.

Кисеп ябыштыру эшчәнлегендә кораблар, пароходлар кисеп ябыштырдык.

Балалар белән әвәләү эшчәнлегендә фил баласына дуслар әвәләдек.

Грамота эшчәнлегендә "ә" сузык хәрефен өйрәндек аның татар әлифбасында гына кулланышын белдек.

Олы-Нырты авылының фельдшеры Арикиева Рушания апа бездә кунакта булды. Ул балаларга сау - сәламәт булу өчен үз-үзеңне чиста, пөхтә, матур йөртергә кирәклеген әйтеп китте.

Физкультура эшчәнлегендә чаңгы шууны дәвам итәбез һәм чаңгы таяклары белән саклану чарасында искә алабыз.

Бүген балалар белән Казан каласына циркка сәяхәткә бардык.

Бүген Руфия белән Аянаның туган көнен билгеләп үттек. Кызларга матур теләкләр теләдек. "Ак калач" җырын җырлап котладык.

Без туган телебезне яратабыз һәм иркенләп үзебезнең телебездә сәйләшәбез.

Саф һавда физкультура эшчәнлегендә чаңгыда шуарга өйрәнүебезне дәвам иттек. Чаңгы таякларын кулланганда сак булу кагыйдәләрен искә төшердек.