Яз җитү белән авылларда Нәүрүз бәйрәмен үткәрү гадәткә кереп бара. Бу бәйрәм кышны озату, язны каршы алу буларак кабул ителә. Кешеләр элек-электән язны көтеп алганнар, аңа яңа өметләр баглаганнар. Бер-берсенә изге теләкләр теләп, елның яхшы килүенә, уңыш күп булуга юраганнар. Быел Нәүрүз бәйрәмен мәктәп укучылары, авыл халкы белән билгеләп үттек. Иң баштан балаларны бәйрәмнең тарихы белән таныштырдык. Бер көн алдан, өйдән-өйгә йөреп, карга боткасына ярма, йомырка, он, май җыйдык. Авыл халкының да күңелен күреп, яз килү белән котладык. Бәйрәм җыр – бию, уеннар белән дәвам итте. Халык бәйрәм итте, күңел ачты.