Бүген мәктәбебездә китапханәчеләр Ләйлә Дәүләтшина һәм  Миләүшә Әгләмҗанова башлангыч класс укучыларын “Укучының мәдәни көндәлеге” белән  таныштыру һәм тапшыру максатында  Бердәм мәдәни дәресе  үткәрделәр. Көндәлек быел дүртенче тапкыр тапшырыла. Бу һәр баланы, әти-әниләрне илебездәге мәдәни вакыйгалар белән танышып бару, Ватаныбыз тарихын өйрәнү максатында оештырыла. Бүген дә  көндәлекне тутыру, файдалану кагыйдәләре белән танышканнан соң кечкенә укучыларыбыз игътибарына башкалабаз Казан, аның тарихи һәйкәлләре, истәлекле урыннары турында презентация  тәкъдим ителде. Китапханәчеләр балаларның яңа башланган уку елында көндәлекне тулырак итеп файдалану өчен китапханәгә ешрак килүләрен теләп калдылар.