Мәктәбебезнең иң мөһим бурычларыннан берсе — укучыларның сәламәтлеген саклау һәм ныгыту. Физкультура дәресләреннән тыш, тәнәфесләрдә хәрәкәтле уеннар, дәресләрдән тыш вакытта физкультура-спорт чаралары оештырабыз. 21нче апрель көнне мәктәбебездә “Спортлы Татарстан” көне уңаеннан башлангыч сыйныф укучылары белән Вәлиева Энҗе Мәхмүт кызы сәламәтлек дәресе һәм күңелле стартлар уены үткәрде. Чараларда укучылар бик теләп катнаштылар. Халык мәкальләрендә дә “Сәламәтлек-иң зур байлык”, “Сәламәтлекне сатып алып булмый”, “Тазалык-саулык нигезе, саулык-байлык нигезе” дип әйтелә. Әйе, сәламәтлек һәр кешегә дә бәхетле гомер итү һәм уңышлы эшчәнлек өчен кирәк.