Татарстаныбызда 2021 нче ел «Туган телләр һәм халыклар бердәмлеге елы” дип игълан ителде.        

   Шушы уңайдан, мәктәбебездә китап күргәзмәсе, “Тел – гомерлек юлдашыбыз” дигән әдәби-музыкаль кичә үткәрелде. Бәйрәм матур җыр, шигырь һәм биюләр белән үрелеп барылды. Соңыннан бергә башкарылган “Туган тел” җыры барлык катнашучыларда Туган телебезгә горурлык хисе уятты.

     Газиз туган телебезне кадерлик, яклыйк, саклыйк!

Хөрмәтле Фирая Ахматхан кызы !
Сезне олы бәйрәмегез — 55 яшьлек юбилеегыз белән чын күңелдән котлыйбыз. Сезгә нык сәламәтлек, күңел тынычлыгы, гаилә шатлыгы, кайгы-хәсрәтсез көннәр, ак бәхетләр, балаларыңның һәм оныкларыңның күңел җылысын тоеп, игелекләрен күреп, бәхетле озын гомер кичерүегезне телибез. Киләчәгегез җыр кебек матур, кояш кебек якты булсын.
Туачак таңнарыгыз һәрвакыт нурлы, күк йөзегез һәрвакыт аяз булсын. 

Бүген укучыларыбыз "Саба дулкыннары" телерадио компаниясендә кунакта булдылыр. Радио тыңлаучыларыбызны мәктәбебез яңалыклары, уңышларыбыз белән таныштырдылар, матур җырлар башкардылар.

5 нче гыйнвар көнне укучыларыбыз Район башлыгы елкасында катнашып, күңелле ял итеп кайттылар.

Бүген икенче чирек йомгаклары буенча индивидуаль ата-аналар җыелышы булып үтте.

Мәктәбебездә шаулап, гөрләп яңа ел бәйрәме узды. Яңа ел һәрбарчабызга бәхет, шатлыклар, уңышлар гына алып килсен!

Бүгеннән мәктәбебездә "Кояшкай" лагеры эшли башлады. Лагерь 25.12-30.12 көннәрендә эшләячәк. Лагерьга рәхим итегез!

Мәктәбебез тәрбия өлкәсендәге уңышларыбыз өчен Казан шәһәренең К.Тинчурин исемендәге драма һәм комедия театрында Яңа ел тамашасын карау бәхетенә ия булды.

Сегодня поздравили участников акции "Сохраняй и разделяй".