Югары Тегермәнлек урта гомуми белем бирү мәктәбе укучылары тарафыннан ел дәвамында өлкән кешеләргә ярдәм һәм хөрмәт күрсәтелә. Бу бигрәк тә өлкән укытучыларыбызга һәм ветераннарыбызга кагыла. Шул җәһәттән чыгып быел да Бөек Җидүнең 66 еллыгы мәктәбебездә зурлап билгеләп үтелдә. Бу кичәгә Бөек ватан сугышы һәм тыл ветераннары чакырулы иде. Алар барысы да теләп очрашуга килделәр. Митингны мәктәп директоры Кәбиров Рамазан Ибраһим улы ачып җибәрде. Ветераннарны авыл җирлеге башлыгы Рәмзил Фәйзиаздан улы да котлап үтте. Шуннан соң сүз хөрмәтле ветераннарыбызга бирелде. Алар бик кыенлык белән булса да сугыш хатирәләрен яңарттылар, укучыларга үзләренең киңәшләрен җиткерделәр. Ә укучыларыбыз ветраннарга бик матур концерт номерлары күрсәттеләр. Бу олы бәйрәм мәктәп ашханәсендә чәй табыны артында тәмамланды. Барлык ветераннарыбыз да бик канәгать калдылар.