Бүген, 20 апрель көнне, мәктәп күләмендә өмә уза. Бу өмәдә 1 - 11 сыйныф укучылары, укытучылар һәм техник хезмәткәрләр катнаша. Алар мәктәп территориясен, бакчаны чүп - чардан арындыралар. Теплица казылып анда суган утырту башкарыла. Бу өмәдән бер генә укучы да, бер генә хезмәткәр дә читтә калмады.

        6 апрель көнне 6нчы сыйныф укучыбыз Шамсевалиева Гөлия  6нчы сыйныф укучылары арасында математикадан үткәрелгән Республика олимпиадасының финал өлешендә Казан шәһәренә барып чыгыш ясап кайтты. Иң югары баскычка күтәрелә алмаса да укучыбызның уңышы куанырлык. Район турында җиңү яулап, Казан шәһәренә барып 2нче турда да җиңү яулап финал өлешенә узуыда мәктәп һәм район өчен үзе зур куаныч. Алга таба да уңышлар сиңа, Гөлия!   

 "Акчарлак " социаль приютында тәрбияләнеп, Югары Тегермәнлек урта гомуми белем бирү мәктәбендә укучыларга укыту- тәрбия бирүнең торышы блән танышу-, тематикасы астында 2 апрель кәнне мәктәбебездә директорлар киңәшмәсе булып узды

1-4 классларда "Нәүрүз мөбәрәк булсын" бәйрәме үткәрдек.Бәйрәмне  4 сыйныф укучылары белән класс җитәкчесе Закирова  Г Г үткәрде.Укучылар актив катнашты.Бәйрәм күңелле узды.

Бүген 2нче сыйныфта 8март бәйрәменә багышланган гаилә бәйрәме булып узды. Бу бәйрәмдә бигрәк тә әтиләр бик зур өлгерлек күрсәттеләр.

      Бүген мәктәптә Яр Чаллы шәһәрендә иҗат ителеп килүче "Шәһри Казан" газетасының баш мөхәррире Хәбибрахман Шәфыйгуллин белән очрашу булып узды. Бу очрашуга район мәктәпләренең татар теле һәм әдәбияты укытучылары да җыйналган иде. Укытучылар өчен башта ачык дәрес күрсәтелсә, соңыннан Хәбибрахман Шәфыйгуллинның "Йозак" китабын тәкъдир итү булды.

26 февраль көнне балалар иҗат үзәгендә "Замечательный вожатый " конкурсы булып узды. Безнең мәктәптән Каримова Ильвина катнашты. Һәм конкурсның иң зур бүләге Гран- при га лаек булды.