07.02.2014 без бер төркем татар теле һәм әдәбияты укытучылары , мәгариф бүлеге методисты Касимова И.Ш кызы җитәкчелегендә Арча төбәгендә булып кайттык. ”Габдулла Тукай исемендәге Арча педагогия көллияте”ендә “Белем  һәм тәрбия бирү мәйданында татар теле: традицияләр һәм новаторлык” республикакүләм семинар оештырылды  Семинарда бүгенге көндә татар телен укыту һәм милли мәктәпләр эшчәнлеге буенча сөйләшү булды.  Бу көллияттә шулай ук Казан арты милли кадрлар әзерләү үзәге дә оештырылган. Үзәккә  республикабызның 23 районыннан 7-8 нче сыйныф укучылары сайлап  алына. Алар  киләчәктә  милли мәктәпләрдә, балалар бакчаларында  эшләү  укытучы һөнәрен үзләштерәчәкләр. Бу укучылар интернатта яшиләр, бушка тукланалар, инглиз телен тирәнтен өйрәнәләр. Монда укучыларга  барлык шартлар да тудырылган. Теләге булган укучылар бу үзәккә мөрәҗәгать итә алалар.