Балык  бистәсе 2нче  гомуми  урта  белем бирү  мәктәбендә  телебезгә мәхәббәт тәрбияләү, халкыбызның  гореф-гадәтләре , йола-бәйрәмнәре  белән таныштыру, сәнгатьле  уку күнекмәләрен  үстерү һәм аралаша белүгә  өйрәтү максатларын  күздә  тотып ,  күптөрле  дәрестән  тыш  чаралар үткәрелә. Шундый  чараларның  берсе - ел  саен  үткәрелеп, матур традициягә  әйләнгән  татар теле  атналыгы.Быелгы  уку  елында  ул 23-28нче  апрель көннәрендә  үтте. Бу  чарада  аерым  укучылар  гына  түгел,мәктәпнең  барлык  укучылары  да  катнашты. Атналыкның  беренче  көннәреннән  башлап ,тәнәфесләрдә  татар  музыкасы  яңгырады , татарча  видеофильмнар  күрсәтелде.Укучылар  алдан  Тукай  иҗатына  багышлап  төрле  ребуслар һәм  кроссвордлар  төзеделәр .Ә атналык  барышында  аларны  оста  чишүчеләр  арасында  җиңүчеләр  билгеләнде.Шулай  ук  укучылар  Тукай әсәрләре буенча  рәсем  конкурсында  да бик  теләп һәм  актив  катнаштылар. Габдулла Тукайның  туган  көненә  багышлап , башлангыч  сыйныф  укучылары арасында ,шигырь уку  конкурсы  уздырылды. Кичәдә  укучылар Тукайның балалар өчен  язылган  шигырьләрен  сөйләделәр , әкиятләреннән  өзекләр сәхнәләштерделәр ,Тукай сүзләренә язылган җырлар  җырладылар, биеделәр .Мәктәбебездә    татар  теле атналыгы бик  күңелле һәм җанлы  төстә  үтте.