Илебездә инвалидлар ункөнлеге бара. Сәламәтлеккә туймаган кешеләр бигрәк күп шул якын-тирәбездә. Сабыйларның төрле чирләрдән иза чигүе аеруча аянычлы. Безнең 2б сыйныфында ( сыйныф җитәкчесе Сорокина Г.Е.) өйдә белем алучы бер укучы бар. Сыйныф балалары аны кайчан да булса үз араларында күрергә бик өметләнәләр.  Әле яңа гына алар Егорның күңелен күрү өчен үзләре ясаган рәсемнәрдән китапчык ясадылар, әти-әниләр һәм сыйныф җитәкчесе дә үзара җыелышып малайга бүләкләр алып бардылар. Әлеге адым бу балага үзен укучылар белән бергә тоярга ярдәм итәр дип бик ышанабыз. Егорга сәламәтлек, әти-әнисенә рух ныклыгы телибез.

Татар теле һәм әдәбияты укытучысы Эльвира Токранова.