Бүген “Каенкай”ял һәм сәламәтләндерү лагерыбыз тәмамланды. Укучыларыбыз белән бүлмәләрне җыештырдык, укытучылар балаларга тагын бер кат куркынычсызлык кагыйдәләрен искәртеп үттеләр.Кадерле балалар, сезне алда күңелле каникуллар көтә. Ялларыгызны матур һәм файдалы итеп үткәрегез!Исән- имин булыгыз!

Бүген лагерыбызда эзтабарлар көне үткәрдек. Тагын бер кат аларның законнарын, эмблемаларын, җырларын , атрибутларын искә төшердек.

Бу көн сугышларда үлгән, фашист коллыгында газапланган, тылда ачлык һәм мохтаҗлыктан вафат булган барча кешене искә төшерә.

22 июнь – Россия тарихындагы иң кайгылы көннәрнең берсе — Бөек Ватан сугышы башланган көн. Ватаныбыз иреге һәм мөстәкыйльлеге өчен сугышта һәлак булучыларга мәңгелек дан!

Без бүген сугыш концлагерында туган Мөрсәлимова Зәйнәпбикә Кашаф кызын туган көне белән котладык. Аңа исәнлек-саулык, озын гомер, тыныч күк йөзе теләдек.

Без бүген Яңа Сала авылында урнашкан тарих фәннәре кандидаты, язучы Нурулла Гарифның тарихи музеенда экскурсиядә булдык. Үзебезгә күп кенә мәгълүматлар туплап кайттык.

Без бүген лагерь балалары белән “Дельфин” спорткомплексына су коенырга бардык. Балаларның судан  чыгасылары да килмәде. Тик, вакытыбыз чикле иде. Соңыннан Кама буена төшеп уйнадык.

Бүген, Яңа Сала авылында урнашкан чишмәгә сәфәр чыктык. Балалар табигатьнең матурлыгына сокландылар, саф чишмәнең суларын эчеп җаныбызга сихәт алдык.

Бүген балалар белән “Таш елга”га экскурсиягә бардык. Дару үләннәре җыйдык, табигатьнең матурлыгына сокландык.