Муниципальное бюджетное общеобразовательное учреждение «Биектауская средняя общеобразовательная школа» Рыбно-Слободского муниципального района РТ/ Татарстан Республикасы Балык Бистәсе муниципаль районы муниципаль бюджет гомуми белем учреждениесе "Биектау урта гомуми белем мәктәбе"
Визитная карточка
Адрес: | 422665, Республика Татарстан, Рыбно-Слободский муниципальный район,с.Биектау, ул. Сафиуллина, д. 1/ 422665 Татарстан Республикасы, Балык Бистәсе муниципаль районы, Биектау авылы, Сафиуллина урамы, 1 нче йорт |
Телефон: | +7(843)-613-26-20 |
E-Mail: | Sbtau.Rs@tatar.ru |
Министерство: | Министерство образования и науки Республики Татарстан |
Короткое название: | МБОУ "Биектауская СОШ" |
Руководитель: | Камалиева Рамзия Усмановна |
Год основания учреждения: | 1965 |
У нас учатся: | 60 учащихся/ 60 укучы |
У нас учат: | 21 педагог/ 21 укытучы |
Муниципальное бюджетное общеобразовательное учреждение «Биектауская средняя общеобразовательная школа» Рыбно-Слободского муниципального района РТ/ Татарстан Республикасы Балык Бистәсе муниципаль районы муниципаль бюджет гомуми белем учреждениесе "Биектау урта гомуми белем мәктәбе" - новости
Страницы: << 121 122 123 ( 124 ) 125 126 127 128 129 130 >>
-
Җәйге лагерьның унынчы көне
11.06.2014
Ул 26 июнь – Халыкара наркотикларга һәм аларның законсыз әйләнешенә каршы көрәш көне уңаеннан оештырыла. Төрле службаларның уртак көче белән үткәрелүче әлеге айлыкка прокуратура җитәкчелек итә. "Наркотикларсыз тормыш" мәгълүмати-профилактика айлыгы республикада инде икенче тапкыр уздырыла. Районыбызда әлеге акцияне үткәрү буенча махсус план эшләнде, социаль хезмәтләргә һәм хокук саклау органнарына конкрет бурычлар билгеләнде. Айлык барышында төрле профилактика чаралары үткәрү күздә тотыла.
Шул уңайдан безнең укучылар да бу акциядә актив катнашырга уйладылар. Лагерьның бүгенге көне нәкъ менә шушы темага багышланды. Укучыларга “Наркомания – кешелек дошманы”, “Тормыш матур, күрә белсәң, тормыш матур, яши белсәң” дигән презентацияләр күрсәтелде. “Яман белән дус булма!”, “Замана афәтеннән сакланыйк” дигән әңгәмәләр оештырылды, рәсемнәр ясатылды.
-
Бүген бездә Сабантуй- Эшләреңнең барын куй!
10.06.2014
Балалар безнең киләчәгебез. Без,өлкәннәр, аларны ятимлектән, ачлыктан, ялангачлыктан, төрле явызлыклардан сакларга , якларга тиешбез. 1июнь –балаларны Халыкара яклау һәм саклау көне.Шул җәһәттән Яңа-Сала авылы сабантуе аланында Биектау, Яңа-Сала, Чаллыбаш балалары белән берлектә,балалар сабантуе үткәрелде.Бәйрәм балаларның яулык җыю күренеше белән башланып китте.Монда балалар күп төрле уеннарда үзләренең көчләрен сынадылар.Кашыкка йомырка куеп та, капчык киеп тә йөгерделәр, чиләк-көянтә белән су да китерделәр, сикергечтә сикерү ярышларында да бик теләп катнаштылар. Бәйрәм җыр-бию белән үрелеп барды.
Җыр номинациясендә Хәбибуллина Зәринә, Хәбибуллина Эльмира һәм Сибгатуллина Фәридә җиңүчеләр булып танылдылар. Бәйрәмдә иң күп китап укучыны да билгеләп үттек. Бу номинациядә Төхвәтуллина Гөлүсә җиңүче булып танылды.
Сабантуй бәйрәменең төп бизәге булган татарча көрәш бәйгесендә дә иң-иңнәр сыналды. Хөкемдар Шомбыт урта гомуми белем мәктәбенең физик тәрбия укытучысы Төхвәтуллин Рәмис Хәмит улы үзенең шәкертләрен гадел хөкем итте. Иң көчле балалар арасыннан беренче урынны Гарипов Айдар яулады. 2-3 урыннарны Әхмәтҗанов Айрат белән Шәрәфиев Ислам бүлештеләр, 4 нче урынга Сафин Рәсим лаек булды.
Бәйрәм буласын ишетү белән күп кенә авылдашларыбыз үзләреннән матди ярдәм тәкдим иттеләр. Яңа-Саладан Саттарова Гөлсинә апа,Шайдуллина Алсу апа, Биектаудан Вәлиева Минзия апа, Төхвәтуллин Илмир абыйлары, Чаллыбаш авылыннан Вәлиев Фәнис, мәдәният һәм медицина хезмәткәрләре. Сабантуйга килгән кунаклар берсе дә буш килмәгән иде. Аларның барысына да зур рәхмәтебезне җиткерәбез. Сабыйларны сөендергәннәре өчен Аллаһы Тәгалә үзләрен дә зурласын! Бәйрәмнән бер бала да бүләксез китмәде. Бәйрәмдә теләнгән теләкләр барысы да тормышка ашсын, балаларыбыз сау-сәламәт тыныч тормышта игелекле , тәүфыйклы, тәртипле, көчле, белемле булып үссеннәр! Ә инде бу бәйрәмне алып баруда зур өлеш керткән Яңавыл китапхпнәчесе Салахиева Гөлсинә апага зур рәхмәтебезне җиткерәбез. Гомумән, шушы бәйрәмне оештыруда көч түккән барлык абый- апаларга рәхмәтебез чиксез.
-
Җәйге лагерьның сигезенче көне
09.06.2014
Укучыларны ял иттерү, сәламәтлекләрен ныгыту максатыннан эшләп килгән лагерьның көннәре бик кызыклы һәм тиз үтә. Мәсәлән, бүген балалар көндәгечә иртәнге зарядка ясадылар, аннан соңгы вакытлары блок чыгару цехына һәм автосервиска экскурсия белән дәвам итте. Балалар әлеге очрашулардан үзләренә бик кызыклы мәгълүмат алдылар.
-
Җәйге лагерьның җиденче көне
08.06.2014
Туган җир, туган як, туган авыл....Һәркем өчен изге, газиз, кадерле ул. Безнең һәрберебезнең газиз туган йорты, туган авылы бар. Һәр авылның үзенә генә хас, кабатланмас, истәлекле урыннары, горурланырлык күренекле шәхесләре була. Туган төбәгебезнең һәр агачы, һәр сукмагы, һәр кешесе безгә таныш, якын.
Туган авыл, туган як темасы – язучылар һәм шагыйрьләр өчен дә мәңгелек тема. Туган ягыбызның гүзәл табигате кешегә яшәү өчен көч, дәрт бирсә,шагыйрьләргә илһам, иҗатларына ямь өсти. Һәр язучының, һәр шагыйрьнең әсәрендә туган як, якты образ булып, иҗатының буеннан буена сызылып бара.
Безнең бүгенге көнебез "Безнең туган як" дип аталды,туган ягыбызга, аның гүзәл табигатенә, күренекле якташ шәхесләренә багышланды. Һәр авылның күренекле шәхесләре була. Алар турында горурланып сөйләнелә. Безнең Биектау авылы да да күренекле шәхесләргә бай төбәк.
Бүген без авылыбыз китапханәсенә барып, шушы туган ягыбызга, аның гүзәл табигатенә дан җырлаучы якташ шагыйрьләребез иҗаты белән таныштык, авылыбызның табигате турында сөйләштек, авылыбызның тарихын да искә төшердек.
Әйе, безнең авылыбыз да искиткеч матур. Бормаланып аккан Шомбыт елгасы,катнаш урманнары, мул уңыш бирүче басу-кырлары, хезмәт сөюче кешеләре-авылымның зур байлыклары бар дип, без горурланып әйтә алабыз.
-
Җәйге лагерьның алтынчы көне
07.06.2014
Көлегез,көлегез,
Файдасы күп белегез!
Лагерьның алтынчы көнен “Көлке көне” итеп оештырдык. Шушы уңайдан мәктәбебездә мәзәкчеләр ярышы булып узды. Укучылар турында булган көлкеле хәлләрне газета-журналлардан өйрәнеп һәр укучы сөйләп чыкты. Рәхәтләнеп көлдек, ичмасам.
-
Җәйге лагерьның бишенче көне
06.06.2014
Бүген без дару үләннәре турында сөйләштек. Июнь – дару үләннәре җыярга иң кулай айларның берсе. Әмма мең төрле дәвага ия булган әлеге үләннәрне торак йортлар яныннан, парк һәм скверлардан, олы юл читләреннән җыярга ярамавын да истән чыгармаска кирәк. Автомобильләр юлы тирәсендә үскән үләннәрдә исә свинц, күкерт һәм цинк күп була.
Дару үләннәрен иртәнге чык кипкәннән соң, коры һавада, көн уртасында җыю яхшы. Аннары ярымкүләгә, җиләс урында киптерергә кирәк. Дөрес итеп киптерелмәгән очракта үләннәрдәге файдалы матдәләр бөтенләй юкка чыгарга мөмкин. Тулысынча кибеп беткән үләннәрне пыяла банкаларда яисә тыгыз тукымадан тегелгән капчыкларда салып куясың.
Шушы киңәшләрне истә тотып укучылар белән файдалы үлән рәсемнәре ясадык, безнең тирәдә үсүче дару үләннәрен җыйдык.
-
Җәйге лагерьның дүртенче көне
05.06.2014
Лагерьның бүген 4 нче көне. Бүген, чын мәгънәсендә, әкият иленә күңелле сәяхәт оештырылды. Көн иртәнге зарядкадан, повар апалар пешергән тәмле иртәнге ашны ашаудан башланды. 9.00 сәгатьтә укучылар ике отрядка бүленеп “Әкияти тамаша” карарга җыелдылар, биеделәр – җырладылар, уеннарда катнаштылар. Әкият сәхнәләштерү балаларга сүз байлыгын, актерлык сәләтләрен үстерүгә ярдәм итте. Лагерьның бу көне дә балалар күңелендә озак сакланыр!
-
Җәйге лагерьның өченче көне
04.06.2014
Бүген җәй безгә тагы да эссе, кояшлы көн бүләк итте. Шуннан файдаланып, "Табигать һәм фантазия” дигән конкурсны да табигать кочагында үткәрдек. Анда кызларыбыз бик матур итеп чәчәкләр белән бизәлделәр, ә егетләребез инештән балык тоттылар, күңелле спорт уеннарында бик теләп катнаштылар.
-
Җәйге лагерьның икенче көне
03.06.2014
Лагерьның икенче көне "Спорт уен төрләре"темасына багышланды.Бу көнне балалар спорт буенча уен төрләрен презентация һәм видеороликлар аша карап хәтерләрендә яңарттылар. Спорт төрләренә карата рәсем конкурсы узды, эстафета уеннары гөрләде. Укучыларның бер төркеме үзешчән сәнгать белән шөгыльләнсә, икенчеләре табигатьтә туристлык серләренә төшенделәр.
-
Җәйге лагерьның беренче көне
02.06.2014
Бүген мәктәп яны сәламәтләндерү лагере үз эшен башлап җибәрде. Анда 33 бала тәрбияләнәчәк. Алар кабат күтәренке күңел белән ял итәргә җыелып, 2 отрядка бүленделәр. Отряд җитәкчеләре өлкән вожатый Бадрутдинова Н.Г, тәрбиячеләр Сафиуллина Ф.Ф., Мингалиева Д.К., Шайдуллина Г.Х. балаларның ялы күңелле үтсен өчен бар тырышлыкларын куеп эшкә керештеләр.