21 нче февраль — Халыкара туган тел көне! / 21 февраля — Международный день родного языка

 

Февраль ахырында тәрәзә төбе бакчасын утыртуга әзерлек башлана. Һәр бала өйдән башлы суган алып килә, бергәләп аны утырту өчен әзерлибез. Зур дулкынлану белән суганнарны тартмадагы җиргә утыртабыз. Көн саен су сибеп, түземсезләнеп яшел үсентеләрне көтәбез. Бер серне дә ачтык: үзебез карап тормаганда суганнар тизрәк тә үсә икән! Без бәйрәм ялларыннан килүгә, ямь-яшел, сусыл суганнар ашка салырлык булган! Үзебез үстергән уңыш белән витаминлы аш ашау күңелле дә, файдалы да!

Бакчабызда Муса Җәлилнең туган көненә багышланган кичә булып узды.Балалар Муса Җәлилнең шигырьләрен сәнгатьле итеп сөйләделәр. Кече яшьтән алар татар әдәбиятына тартылып, батырлык үрнәгендә үсәләр.

Җимен тапкан, җебен тарткан,

Җебен тарткан - җирдә яткан. 

              (Кармактагы балык)

 Балалар бакчасында барлык төркем балалары белән пожар куркынычсызлыгы тәэмин итүгә багышланган чара үткәрде.

Йолдыз Шәрәпова шигырьләрен  сәнгатьле  сөйләүчеләр бәйгесендә безнең балалар бакчасыннан уртанчылар төркеменнән Маннанов Ильяр 3 урын, Зайнуллина Зәлинә 3 урын һәм зурлар төркеменнән Яруллин Булат 1 урын алдылар.

Уң кулыбызны табыйк,

Әйдәгез, санап карыйк.

Башлыйк чәнтидән,

Иң кечтекидән.

Чәнти була – бер,

Исемсез – ике.

Урта бармак – өч

Имән бармак – дүрт,

Бишенчесе – баш бармак.

Әнә нинди зур тармак –

Менә биш күпме була,

Бөкләгәч йодрык була.

Кар бабай 

Тәгәрәтеп ак карны,
Ясадык кар бабайны.
Куйдык кишердән борын,
Ясадык ике кулын.

Күзләре – кара күмер.
Дидек: “Син урам себер!”
Зур себерке тоттырдык,
Көлешеп карап тордык.

Зиләнең курчагы

Хәкимҗан Халиков

Зиләнең бер курчагы бар,

Сузып кына: «Ән-нә»,— ди.

Сеңелем аңа: «Әттәбезне

Яратмыйсыңмы әллә?» — ди.

Сөеп кенә тора безне,

Беләсең бит әтине...

Йә үпкәләр, аңа да бер

«Әт-тә»,— диеп әйт инде.

Балалар бакчасында барлык төркем балалары белән дә, баш киемнәре турында шөгельләр булып узды. Балалар баш киемнәре турында шигырьләр укыдылар, табышмакларга җавап эзләделәр, төрле уеннар уйнадылар, рәсемдә чагылдырдылар.

В детском саду прошел «Шляпный Карнавал». В гости на праздник пришла Королева шляп. Ребята помогли королеве разобраться в вариантах головных уборов. Нашли отличия и назвали такие головные уборы как: цилиндр, берет, соломенная шляпа, фетровая шляпа, чепчик, панама, фуражка. Узнали, что такое тулья и поля и для чего они нужны, из чего изготавливают шляпу. Далее для ребят были проведены эстафеты «Чья шляпа быстрее?», «Юный дизайнер», «Попади в шляпу шишкой», «Перенеси шляпу». В заключительной части карнавала был проведен показ мод, где все воспитанники смогли продемонстрировать свои головные уборы.