Игътибар! Игътибар!
Барлык укучыларны да Халыкара китап бүләк итү көненә багышланган “Китаплар бүләк итик!” акциясендә катнашырга чакырабыз. Бу календарьда иң яшь бәйрәмнәрнең берсе. Халыкара китап бүләк итү көне 2012 елдан башлап ел саен билгеләп үтелә.
Бу көн һәркемне берләштерә. Китапны яратып кына калмыйча, башкаларга да укырга мөмкинлек бирүче шарт булып тора.
Еш кына шулай була, күптән укылган басмалар "сагына" һәм өй китапханәләре киштәләрендә әкрен генә картая. Аларның күбесе әле бик яхшы хәлдә. Әгәр алар китапханә киштәләренә эләксә, мондый китапларның икенче тормышы барлыкка килергә мөмкин.
Шуның өчен, бу акциядә актив катнашырга чакырып калабыз!

19-20 нче октябрь көнне 1 нче чиреккә йомгак ясап, әти-әниләр җыелышы булып узды.

18нче гимназия укучылары "Солдатка хат" Бөтенроссия акциясенә кушылдылар. 100дән артык хат М.В. Фрунзе исемендәге Россия армиясенең үзәгенә җибәрелде. Укучыларның чын күңелдән язган җылы сүзләре ватан алдында үз бурычларын үтәүче батырларга барып ирешер дигән теләктә калабыз.

17нче октябрь көнне тарих һәм җәмгыять белеме укытучылары Усманова Э. Р. һәм Мансурова Г. Ә. "Батырлык дәресләре" ( " Уроки Мужества") үткәрделәр. Әлеге дәресләрнең патриотик тәрбия бирүдә әһәмияте зур, алар тарихыбызны, халкыбызның батырлыгын онытмаска ярдәм итә.

Бүген, 12 нче октябрь - курчак театрында "Авыл эте Акбай" спектакле премьерасында гимназиябезнең 1 нче сыйныф укучылары булып кайтты

Күптән түгел гимназиябез укытучылары Резедә Фатыховна ( башлангыч сыйныф укытучысы) һәм Лилия Газинуровна ( инглиз теле укытучысы) "Таяну ноктасы"(Точко опоры) дип исемләнгән телевизион тапшыруда булып кайттылар. Тапшыруның әлеге чыгарылышы "Хәзерге заман укытучысы нинди ул?" дигән темага багышланган иде.

8 октябрьдә гимназиябезнең 5А сыйныфы укучылары һәм укучыларның әниләре Арча районы Яңа Кырлай авылында урнашкан Габдулла Тукай дәүләт әдәби-мемориаль музей комплексына көзге экскурсиягә бардыларКомплекс составына кертелгән Габдулла Тукай музеен, Сәгъди абзый йортын һәм Әхмәт хан бай йортын күреп, бик күп мәгълүмат алдылар. Сәяхәттән экскурсантлар бик канәгать булып кайттылар

8 нче октябрь көнне 6а сыйныфы укучылары "Школьный кубок чистоты" дип исемләнгән бәйгедә катнашып кайттылар. Укучылар мастер класслар карадылар, интеллектуаль һәм физик юнәлештә үзләренең көчләрен сынадылар.

Бүген 2а сыйныфы укучылары укудан бераз арынып, союзмультпаркка барып, күңелле генә ял итеп кайттылар.

Бүген гимназиябездә күптән көтеп алынган өлкәннәр көне һәм якынлашып килүче, укытучылар көненә багышланган зур чара булып узды. Бу бәйрәмгә гимназиябездә элек укытып , лаеклы ялга киткән укытучылар чакырулы иде. Кунакларыбыз иң элек сәгать ярымлык концерт карадылар, ә аннан соң чәй табынына озатылдылар.
Ә инде бәйрәм концертын башлап җибәрүче җырлы -моңлы гаилә Рәмилә һәм Рамил Хәйретдиновларга аерым зур рәхмәтебезне җиткерәсебез килә!
Шулай ук бәйрәмнең иң зур кунагы буларак мәгариф идарәсенең баш белгече, Рәйхана Әминовна да катнашты. Бәйрәм чарасы барлык кунакларның да күңеленә хуш килгәндер дисәк тә була.