Бүген безнең мәктәптә инде традицион булган хәйрия ярминкәсе булып узды. Барлык укучылар да үз көчләре белән төрледән-төрле тәмле ризыклар пешереп килделәр. Ниләр генә юк иде монда - пирог, кош теле, өчпочмак, манты, кыстырма, печенье-конфетлар, компот, соклар!!! Укучылар классалп өстәл әзерләделәр һәм үз товарларын мактап-мактап саттылар. Мәктәпнең кече залы чын ярминкәне хәтерләтте. Ярминкәгә хәтта ата-аналар да килгән иде. Соңыннан мәктәп җитәкчелеге күпме акча җыелганын игълан итте һәм бу акчага сугыш һәм тыл ветераннарына күчтәнәч алырга тәкъдим итте. Укучылар бу идеяны бик хупладылар.