Якташыбыз Идеал Муса улы  Галәветдинов  безнең үзенең туган авылы булган Бикүле төп  мәктәбендә еш кунак була. Ул укучылар белән очрашулар үткәрә, китапханәгә, уку-чыларга китаплар бүләк итә, гармунда уйный, җырлый.  Шуңа күрә дә бу  очрашулар һәрвакыт кызыклы һәм эчтәлекле була, укучыларыбыз да һәрчак көтеп ала.

      17 нче гыйнвар көнне  Идеал абый укучылар белән очрашуга килде. Ләкин бу очрашу гадәттәгедән үзгәрәк иде, чөнки бу очрашуда ул укучылар белән “Батырлык дәресе” үт-кәрде. Башта ул  бу дәреснең Бөек Җиңүнең 70 еллыгына багышланып үткәрелүен әйтеп үтте,  укучылар белән Бөек Ватан сугышына багышланган викторина үткәрде, аларны бу сугыш вакыйгалары, Рейхстагка әләм куючы, амбразураны күкрәге белән каплаучы татар кешеләре белән таныштырды. Укучылардан  Нурлат районыннан чыккан Советлар Союзы геройлары, Дан ордены  кавалерлары, сугышта булган туганнары турында сөйләтте, үз милләтеңнең, үз гаиләңнең танылган кешеләрен белергә, алар белән горурланырга кирәклегенә басым ясады. “Мин һәрчак татар милләтеннән булуым һәм  милләтем шундый каһарманнарга бай булуы белән горурландым,” – диде ул сүзен йомгаклап.

    . Соңыннан үл викторинада җиңгән укучыларга истәлек бәләкләре тапшырды, ә инде татар теле буенча олимпиаданың республика турында җиңгән 9 нчы сыйныф укучысы Мирсәе-това  Илүзәгә чәчәк бәйләме һәм акчалата бүләк тапшырды. 

     Кыскасы, укучылар Бөек Ватан сугышы турында бик күп өстәмә мәгълүмат алдылар