Бүген, 27 нче апрель көнне мәктәбебездә якташ шагыйрәләребез Фәүзия апа Мөхәммәтова, Лейна апа Ильясова белән « Бер очрашу – бер гомер» дигән очрашу кичәсе булып узды. Кичәне татар теле һәм әдәбияты укытучылары Ибраһимова Г.Г, Сәйфуллина Р.М, Кәлимуллина Ә.Ә. оештырдылар. Бу кичәдә 5-6 нчы сыйныфның татар төркеме һәм 8-9 нчы сыйныфның рус төркемендә укучы балалар чыгыш ясадылар. Мәктәп укучылары башкаруында биюләр, сәнгатьле итеп шигырь укулары, укытучыларның гармунда уйнап җырлаулары кичәбезне тагын да ямьләндерде. Кунакларыбыз барлык сорауларга бик теләп җавап бирде, шигырьләрнең язылу тарихын, истәлекле вакыйгалар сөйләделәр. Очрашу кичәсе җанлы, күтәренке рухта, дустанә мөнәсәбәттә үтте. Шагыйрәләребез белән аралашу укучыларның күңелендә җылы тәэсирләр калдырды.