15 нче апрель көнне лицейның "Өмет" вокал ансамбле Чистай шәһәрендә уздырылган фестивальнең зона этабында уңышлы гына чыгыш ясап кайттылар. Алар "Әй дусларым,дусларым!" җырын  тамашачыларның һәм жюри әгъзаларының күңелләренә хуш килерлек итеп башкардылар.

Бүген лицейда "Иң матур сыерчык оясы" исемле бәйгегә йомгак ясалды.Җиңүчеләргә бүләкләр һәм грамоталар тапшырылды.1-7 нче сыйныф укучылары арасында абсолют җиңүче - Мингатин М ( 2 нче сыйныф), 8 -11 нче сыйныф укучылары арасында Сулейманов М ( 8 нче сыйныф). 11 сыерчык оясының 6 сы - лицей территориясенә, 5 се - авыл хастаханәсе территориясенә эленде.

Учащиеся Зиреклинского лицея принимают участие в природоохранных акциях "Эковесна -2017".

8 нче сыйныф укучысы Кадырова А.Ф.кызы "Йолдызлык - 2017" бәйгесенең республика турында катнашып,диплом белән бүләкләнде.

Бүген табиб Кадырова Р.Р. укучы балаларга " Сәламәтлегез үзебезнең кулларда" исемле чыгыш ясады. Үзенең чыгышында Кадырова Р.Р. укучыларга прививкалар ясатуның әһәмияте, язгы талчыгудан саклану чаралары кулланырга кирәклеге турында сөйләде.

"Йолдыз" балалар бакчасында тәрбияләнүчеләр һәм башлангыч сыйныф укучылары катнашында "Юлда йөри беләсеңме?" исемле чара уздырылды. Чарада укучылар юл кагыйдәләрен искә төшерделәр, төрле сорауларга җаваплар эзләделәр.

Бүген волонтерлар отряды   Космонавтика көненә багышланган квестта актив катнаштылар.Иң элек укучылар бу көннең үзенчәлее турында сөйләделәр, аннан соң шул юнәлештә бирелгән сорауларга җаваплар бирделәр.

Мәктәп эчендә  үткәрелгән традицион гамәли конференциядә күп кенә укучылар актив катнаштылар.Жюри хөкеменә үзләренең эзләнү - тикшеренү эшләрен тәкъдим иттеләр.Җиңүчеләргә  грамоталар тапшырылды.

9 нчы сыйныф укучысы Хөснетдинов Н "Илһам" бәйгесенең зона этабында уңышлы гына  катнашып кайтты.

"Без бергә" районкүләм фестиваль - бәйгедә безнең мәктәп укучылары да актив катнаштылар."Вокал - соло" номинациясендә Кадырова Айсылу - 2 нче урынны, вокал ансамбле - 3 урынны яулады.